ເພື່ອເປັນການຮັບປະກັນ ບໍ່ໃຫ້ເກີດມີບັນຫານ້ຳເຊບັ້ງ ໄຟລົ້ນຝັ່ງເຂົ້າຖ້ວມທົ່ງນາ ປະຊາຊົນທີ່ອາໄສຢູ່ແຄມນ້ຳ ເຊບັ້ງໄຟເມືອງໄຊບູລີແຂວງ ສະຫວັນນະເຂດ ສະນັ້ນ, ວັນທີ 13 ກັນຍາ 2019, ທ່ານ ສັນ ຕິພາບ ພົມວິຫານ ເຈົ້າແຂວງ ສະຫວັນນະເຂດ ພ້ອມດ້ວຍ ຫົວໜ້າຫ້ອງວ່າການປົກຄອງ ແຂວງ, ຫົວໜ້າພະແນກກະ ສິກຳ ແລະປ່າໄມ້ແຂວງ, ຫົວ ໜ້າພະແນກ ຍທຂ ແລະເຈົ້າ ເມືອງໄຊບູລີ ພ້ອມພະນັກງານ ວິຊາການຮ່ວມກັນເດີນທາງ ລົງກວດກາເຂດປ້ານຄູກັ້ນນ້ຳ ແຖວບ້ານຫາດຊາຍສູງ ເມືອງ ດັ່ງກ່າວ.
ສຳລັບຄູກັ້ນນ້ຳແຄມເຊ ບັ້ງໄຟມີຄວາມຍາວທັງໝົດ 42 ກິໂລແມັດ ໃນນັ້ນ, ເປັນທັງ ຄອງຊົນລະປະທານ ແລະເປັນ ບ່ອນເກັບມ້ຽນສິ່ງຂອງພາຫະ ນະຂອງປະຊາຊົນເວລາທີ່ຖືກ ນ້ຳຖ້ວມສ່ວນເຂດພື້ນທີ່ຕ່ຳ ກວ່າໝູ່ແມ່ນໄດ້ການຊ່ວຍເຫຼືອ ປະເພດກະສອບຈາກພະແນກ ກະສິກຳ ແລະປ່າໄມ້ແຂວງ, ໂຮງງານນ້ຳຕານມິດລາວເພື່ອ ນຳໄປເສີມຄູກັ້ນນ້ຳໃຫ້ສູງຂຶ້ນ ອີກ ຊຶ່ງມີຄວາມຍາວ 2 ກິໂລ ແມັດ ເຂດພື້ນທີ່ບ້ານຫາດຊາຍ ສູງຂອງເມືອງໄຊບູລີ ເພາະ ໃນຊ່ວງທີ່ຝົນຕົກໜັກໄລຍະ ຜ່ານມາກໍ່ເຄີຍເກີດມີນ້ຳລົ້ນ ເຂົ້າແລ້ວແຕ່ຍ້ອນຄວາມເອົາ ໃຈໃສ່ຂອງຄະນະຮັບຜິດຊອບ ຕ້ານແລ້ງຕ້ານຖ້ວມອຳນາດ ການປົກຄອງໄດ້ປຸກລະດົມພໍ່ ແມ່ປະຊາຊົນທີ່ຢູ່ລ້ຽບຕາມ ແຄມເຊມາຊ່ວຍກັນປ້ານຄູກັ້ນ ນ້ຳດັ່ງກ່າວຈຶ່ງເຮັດໃຫ້ນ້ຳເຊ ບັ້ງໄຟບໍ່ສາມາດໄຫຼລົ້ນເຂົ້າມາ ຖ້ວມທົ່ງນາໄດ້.
ທ່ານ ອ່ອນລຳພັນ ບົວສີ ແກ້ວ ເຈົ້າເມືອງໄຊບູລີ ໃຫ້ຮູ້ ວ່າ: ນັບແຕ່ວັນທີ 29 ສິງຫາ ຜ່ານມາຊ່ວງຝົນຕົກໜັກສະ ເພາະເມືອງດັ່ງກ່າວປະກອບ ມີ 10 ກຸ່ມບ້ານ 54 ບ້ານ, ກຸ່ມ ບ້ານທີ່ສ່ຽງເກີດມີໄພນ້ຳຖ້ວມ ມີ 8 ກຸ່ມບ້ານ, ຍັງຖ້ວມຂັງຢູ່ ປະຈຸບັນມີ 7 ບ້ານ, ບ້ານທີ່ຖືກ ຕັດຂາດບໍ່ສາມາດທ່ຽວເຂົ້າ-ອອກໄດ້ມີ 6 ບ້ານ, ໂດຍສະ ເພາະແມ່ນເຂດຈຸດສຸມຊຽງໄຄ ຂົວຖືກເປ້ເພ 10 ແຫ່ງ, ບ້ານ ທີ່ຖືກນ້ຳຖ້ວມນາ 29 ບ້ານ, ເນື້ອທີ່ນາທັງໝົດ 4.830 ເຮັກ ຕາ, ສວນອ້ວຍ ແລະຢາງພາ ລາຖືກຖ້ວມທັງໝົດ 25 ເຮັກ ຕາ, ມີການສ້າງຂະບວນການ ເສີມຄັນຄູດ້ວຍກະສອບດິນ 12 ຈຸດ ໃນ 9 ບ້ານ, ທີ່ຢູ່ລຽບ ຝັ່ງສາຍເຊບັ້ງໄຟ ໃຊ້ກະສອບ ໄປແລ້ວ 25 ພັນກວ່າກະສອບ ຜົນເສຍຫາຍເບື້ອງຕົ້ນຍັງບໍ່ສາມາດປະເມີນໄດ້.
ໂອກາດນີ້, ທ່ານເຈົ້າແຂວງ ກໍ່ໄດ້ມອບນ້ຳດື່ມ ແລະໝີ່ເພື່ອ ນຳໄປແຈກຢາຍໃຫ້ພໍ່ແມ່ປະຊາ ຊົນນຳໃຊ້ດື່ມໃນເວລາປະຊາ ຊົນຮ່ວມກັນປ້ານຄູກັ້ນນ້ຳອີກດ້ວຍ./.
