ໃນວັນທີ 13 ກັນຍາ 2019 ນີ້, ຄະນະປະຕິບັດງານພິເສດ 2 ແຂວງ, ແຂວງສະຫວັນະເຂດ ສປປ ລາວ ແລະແຂວງ ກວາງຈິ ສສ ຫວຽດນາມ ໄດ້ເປີດກອງປະຊຸມເພື່ອສືບຕໍ່ ແຜນການນະນະໂຍບາຍສືບຕໍ່ຈັດຕັ້ງຜັນຂະຫຍາຍວຽກ ງານສຳຫຼວດ, ຊອ ຫາ, ທ້ອນໂຮມອັດຖິທະຫານອາ ສາສະໝັກ ແລະຊ່ຽວຊານຫວຽດ ນາມທີ່ເສຍສະຫຼະ ຊິວິດໃນປາງ ສົງຄາມຢູ່ຂອບເຂດຂອງແຂວງສະຫວັນ ນະເຂດ ເຊິ່ງກອງປະຊຸມ ໄດ້ຈັດຂຶ້ນທີ່ໂຮງແຮມເຊໂປນ ເມືອງເຫືອງຮວາ ແຂວງກວາງຈິ ປະຈຳສົກປີ 2019-2020 ໂດຍການເຂົ້າຮ່ວມຂອງທ່ານ ຄຳພູນ ຕຸໄພທູນ ຄະນະປະຈຳ ພັກແຂວງ ຮອງເຈົ້າແຂວງສະຫວັນນະເຂດ ທັງເປັນຫົວ ໜ້າຄະນະປະຕິບັດງານພິເສດແຂວງສະຫວັນະເຂດ, ຝ່າຍແຂວງກວາງຈິ ນຳໂດຍທ່ານ ຮວ່າງ ນາມ ຮອງປະ ທານຄະນະກຳມະການປະຊາຊົນແຂວງ ຫົວໜ້າຄະນະປະ ຕິບັດງານພິເສດແຂວງກວາງຈິ, ມີຄະນະປະຕິບັດງານ ພິເສດແຂວງສະຫວັນະເຂດ-ກວາງຈິ, ຄະນະພັກ-ຄະນະ ບັນຊາກອງບັນຊາການທະ ຫານແຂວງ ປກສ ແຂວງຂອງ 2 ແຂວງ ພ້ອມດ້ວຍກອງປະຕິ ບັດງານ 584 ຂອງແຂວງ ກວາງຈິເຂົ້າຮ່ວມ. ໃນກອງປະຊຸມຄະນະປະຕິບັດງານ ທັງສອງ ຝ່າຍໄດ້ແລກປ່ຽນຄຳຄິດຄຳເຫັນ ແລະຕີລາຄາສູງ ໝາກຜົນໃນການ ປະສານສົມທົບ, ປະຕິບັດໜ້າທີ່ ຊອກຫາ, ທ້ອນໂຮມອັດຖິທະຫານ ອາສາສະໝັກ ແລະຊ່ຽວຊານ ຫວຽດນາມທີ່ເສຍສະຫຼະຊິວິດ ໃນປາງສົງຄາມຢູ່ພື້ນທີ່ ຂອງ ແຂວງສະຫວັນະເຂດ ສົກປີ 2019 -2020, ສືບຕໍ່ປະ ສານສົມທົບຊີ້ນຳອຳນາດການປົກຂອງເມືອງ, ບ້ານທີ່ມີເປົ້າ ໝາຍໃຫ້ໄດ້ດີກວ່າ ເກົ່າໂດຍການປະຕິບັດຫຼາຍວິທີການທີ່ ເໝາະສົມ, ຕິດແທດກັບ ສະພາບຕົວຈິງ, ເພື່ອໃຫ້ຖືກຕ້ອງ ກັບແນວທາງແຜນນະໂຍບາຍຂອງສອງລັດຖະບານ ລາວ-ຫວຽດນາມວາງອອກ. ສຳລັບ ເມືອງທີ່ມີເປົ້າໝາຍລົງ ຊອກຄົ້ນມີ ເມືອງອາດສະພອນ, ເມືອງພະ ລານໄຊ, ເມືອງອາດສະພັງທອງ, ເມືອງເຊໂປນ, ເມືອງວິລະບູລີ, ເມືອງທ່າປາງທອງ ແລະບາງເມືອງທີ່ມີເປົ້າໝາຍ./.
