ໃນຕອນບ່າຍຂອງວັນທີ 13 ກັນຍາ 2019 ທ່ານ ຈຸລິນ ລັກສະນະວິສິດ ຮອງນາຍົກລັດ ຖະມົນ,ລັດຖະມົນຕີວ່າການ ກະຊວງພານິດ ແຫ່ງຣາຊະອາ ນາຈັກໄທ ພ້ອມຄະນະ ໄດ້ ເດີນທາງດ້ວຍລົດຜ່ານຂົວມິດ ຕະພາບ 2 ມາຢ້ຽມຢາມແຂວງ ສະຫວັນນະເຂດ. ໂດຍການໃຫ້ ກຽດຕ້ອນຮັບຈາກທ່ານ ສັນ ຕິພາບ ພົມວິຫານ ເຈົ້າແຂວງ ສະຫວັນນະເຂດ ພ້ອມດ້ວຍ ການນຳຂອງແຂວງ ຢູ່ຫ້ອງ ຮັບແຂກຫ້ອງວ່າການ ປົກຄອງ ແຂວງ.
ໂອກາດດັ່ງກ່າວ ທ່ານເຈົ້າ ແຂວງສະຫວັນນະເຂດ ກໍ່ໄດ້ ຍົກໃຫ້ເຫັນສະພາບການພັດ ທະນາເສດຖະກິດ-ສັງຄົມຂອງ ແຂວງສະຫວັນນະເຂດ, ໂດຍ ສະເພາະການຮ່ວມມືໃນດ້ານ ຕ່າງໆກັບຣາຊະອານາຈັກໄທ ຢູ່ໃນເຂດຖະກິດພິເສດສະ ຫວັນ- ເຊໂນ ເຊິ່ງມີຫຼາຍບໍລິສັດ ຈາກປະເທດໄທ ໄດ້ມາລົງທຶນ ຢູ່ໃນເຂດດັ່ງກ່າວ, ເນື່ອງຈາກ ວ່າລາວ-ໄທ ມີຊາຍແດນຕິດ ຈອດກັນແຕ່ເໜືອເຖິງໃຕ້, ມີພາ ສາເວົ້າທີ່ເຂົ້າໃຈກັນເຮັດໃຫ້ ຄວາມສຳພັນກັນລະຫວ່າງ ລາວ-ໄທ, ໄທ-ລາວ ໄປ-ມາຫາ ສູ່, ຄ້າຂາຍຮ່ວມກັນສະເໝີມາ.
ເວລາຕໍ່ມາ, ທ່ານເຈົ້າ ແຂວງສະຫວັນນະເຂດ ກໍ່ໄດ້ ນຳພາຄະນະຂອງທ່ານຮອງ ນາຍົກລັດຖະມົນຕີແຫ່ງຣາ ຊະອານາຈັກໄທ ໄປຢ້ຽມຢາມ ເບິ່ງເຂດເສດຖະກິດພິເສດສະ ຫວັນ-ເຊໂນ, ໃນນັ້ນ ໄດ້ໄປ ຢ້ຽມຢາມທ່າບົກ (DRYP ORT) ເຊິ່ງເປັນດ່ານສາກົນ ອີກແຫ່ງໜຶ່ງຂອງ ສປປ ລາວ ໃນການຂົນສົ່ງສິນຄ້າລະ ຫວ່າງປະເທດ ແລະສິນຄ້າ ຜ່ານແດນ. ເຊິ່ງທ່ານຮອງນາ ຍົກລັດຖະມົນຕີແຫ່ງຣາຊະອາ ນາຈັກໄທ ກໍ່ໄດ້ໃຫ້ຄວາມສົນ ໃຈ ແລະມີການຊັກຖາມໃນ ຂອດການບໍລິການ ແລະດ້ານ ອື່ນໆຈາກເຈົ້າໜ້າທີ່-ທີ່ກ່ຽວ ຂ້ອງ, ພ້ອມທັງໄດ້ໃຫ້ຄວາມ ສົນໃຈຂອງຄຳວ່າ: ເຂດເສດ ຖະກິດພິເສດທີ່ທາງລັດຖະ ບານລາວໄດ້ຕັ້ງຂຶ້ນ. ເນື່ອງ ຈາກໃນອະນາຄົດ ໂດຍສະ ເພາະຈັງຫວັດມຸກດາຫານ ຂອງໄທ ອາດຈະໄດ້ສ້າງຕັ້ງ ຂຶ້ນເຊັ່ນດຽວກັນ. ຈາກນັ້ນ ຄະ ນະຂອງທ່ານຮອງນາຍົກ ແຫ່ງ ຣາຊະອານາຈັກໄທ ກໍ່ໄດ້ເດີນ ທາງກັບ./.
