ໃນວັນເສົາ, ວັນທີ 14 ກັນ ຍາ 2019, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າ ແຂວງສະຫວັນນະເຂດ ພ້ອມ ດ້ວຍບັນດາພະແນກການຂອງ ແຂວງຈຳນວນໜຶ່ງກໍ່ໄດ້ສືບຕໍ່ ລົງມອບເຄື່ອງຊ່ວຍເຫຼືອຜູ້ປະ ສົບໄພນ້ຳຖ້ວມຢູ່ເມືອງຊົນນະ ບູລີ, ທັງນີ້ກໍ່ເພື່ອເປັນການບັນ ເທົາທຸກຕໍ່ຄວາມເດືອດຮ້ອນ ຂອງພໍ່ແມ່ປະຊາຊົນ, ເຊິ່ງຍັງ ມີຫຼາຍຄອບຄົວຕ້ອງໄດ້ພັດ ພາກໜີຈາກບ້ານເຮືອນ ຍ້ອນ ອຸທົກກະໄພຄັ້ງນີ້.
ໃນການລົງມອບເຄື່ອງ ຂອງທ່ານຮອງເຈົ້າແຂວງຄັ້ງ ນີ້, ນອກຈາກມອບທາງການ ແລ້ວ, ທ່ານຍັງໄດ້ມອບ ໃນນາມ ຄອບ ຄົວ, ຍາດຕິພີ່ນ້ອງຕື່ມອີກ, ເຊິ່ງປະກອບມີ: ເຂົ້າສານ, ອາ ຫານແຫ້ງ, ເກືອ ແລະເຄື່ອງ ຂອງຈຳເປັນຈຳນວນໜຶ່ງໃນ ມູນຄ່າ 5 ລ້ານກວ່າກີບ, ນອກ ນັ້ນ ກໍ່ມີກຸ່ມທະນາຄານສາຂາ ແຂວງສະຫວັນນະເຂດ ນຳເອົາ ເຄື່ອງລົງມອບ ໃນມູນຄ່າ 12 ລ້ານກວ່າກີບ, ບໍລິສັດ VLP ພັດ ທະນາກໍ່ສ້າງຈຳກັດ ຈຳນວນ 10 ລ້ານກີບ, ບໍລິສັດວັນວິໄລ ກໍ່ສ້າງ ມູນຄ່າ 3,5 ລ້ານກີບ.
ພິເສດພະແນກໂຍທາທິ ການ ແລະຂົນສົ່ງແຂວງ ເຊິ່ງ ນຳໂດຍ ທ່ານ ໄຊຍະເສນ ແກ້ວ ວິໄລສັກ ຫົວໜ້າພະແນກ ໄດ້ ນຳທີມຈາກບັນດາຂະແໜງ ການອ້ອມຂ້າງ ພ້ອມດ້ວຍທີມງາມອັອບໂລດສະຫວັນນະເຂດ ກໍ່ໄດ້ນຳເອົາເຄື່ອງອຸປະໂພກ-ບໍລິໂພກມອບໃຫ້ປະຊາຊົນ ບ້ານກອງປະທຸມວັນ ເມືອງຊົນ ນະບູລີ, ເຊິ່ງປະກອບມີ: ຖົງ ເຄື່ອງຈຳນວນ 380 ຊຸດ, ຈາກ ໂຄງການ GMS ໃນມູນຄ່າ 19 ລ້ານກີບ, ນອກນັ້ນ ໃນນາມ ພະແນກປະກອບສ່ວນມີ: ໝີ່, ນ້ຳດື່ມ ແລະເຄື່ອງໃຊ້ລວມມູນ ຄ່າທັງໝົດເກືອບ 30 ລ້ານກີບ.
ນີ້ແມ່ນນ້ຳໃຈຂອງຊາວ ແຂວງສະຫວັນນະເຂດ ທີ່ໄດ້ ພ້ອມກັນລະດົມທຸກພາກສ່ວນ ໃນການຊ່ວຍເຫຼືອຜູ້ປະສົບໄພນ້ຳຖ້ວມ, ຜູ້ລະເລັກ ລະໜ້ອຍ ລວມກັນເປັນກ້ອນໃຫຍ່. ທາງ ຄະນະນຳຂອງເມືອງຊົນ ນະບູລີ ກໍ່ຂໍຂອບໃຈມານະໂອກາດນີ້ ດ້ວຍ./.
