ເມືອງຄົງເຊໂດນ ພົບຜູ້ຕິດເຊື້ອໄຂ້ຍຸງລາຍ ຫຼາຍກວ່າ 280 ກວ່າຄົນ

ບ້ານທີ່ພົບການລະບາດຫຼາຍກວ່າໝູ່ແມ່ນ 13 ບ້ານຄື: ບ້ານຕານປ່ຽວ, ປາກເຊືອກ, ນາຮັງ, ຊາຍຄໍາ, ຊາຍມົນ, ຫ້ວຍເຊົາ, ໂນນສໍາລານ, ຝັ່ງຖານນ້ອຍ, ໂອກາດໃຫຍ່, ດອນແກ້ວ, ແກ້ງຫວດ, ໂຮງເລື່ອຍມີໄຊ, ຄົງນ້ອຍ ແລະ ບ້ານນາແພງໃຫຍ່ . 

ປັດຈຸບັນຫ້ອງການສາທາລະນະສຸກເມືອງຄົງເຊໂດນ ສົມທົບກັບອໍານາດການປົກຄອງ ແລະ ( ອສບ ) 

ໄດ້ມີຕິດຕາມກວດກາ ເພື່ອທໍາລາຍແຫຼ່ງເພາະພັນຂອງຍຸງລາຍ ແລະ ເປັນຜູ້ເຝົ້າລະວັງກໍລະນີພົບຜູ້ຕິດເຊື້ອ

ຈະມີການລາຍງານ ພ້ອມລົງໄປໃຫ້ຄວາມຮູ້ກ່ຽວກັບສຸຂະສຶກສາ, ການປະຕິບັດ 5 ປ ໃຫ້ແກ່ພໍ່ແມ່ປະຊາຊົນ

ໄດ້ເຂົ້າໃຈ ແລະ ໃຫ້ການຮ່ວມມືກັບພວກເຮົາເພີ່ມຂຶ້ນ. 

ສາເຫດທີ່ພາໃຫ້ປະຊາຊົນຕິດເຊື້ອເພີ່ມຂຶ້ນແມ່ນບໍ່ມີປ້ອງກັນຕົນເອງ, ຖືເບົາບໍ່ຕື່ນຕົວເອົາໃຈໃສ່ອະນາໄມທໍາລາຍແຫຼ່ງເພາະພັນຍຸງລາຍ, ບາງເຂດຍັງບໍ່ໃຫ້ການຮ່ວມມືກັບ ອສບ ໃນການທໍາລາຍແຫຼ່ງເພາະພັນຂອງຍຸງລາຍ. 

ນອກຈາກການປະຕິບັດ 5 ປ ຄື: 

ປ ປິດ ( ປົກປິດພາຊະນະທີ່ກັກເກັບນ້ຳທັງໃນ ແລະ ນອກເຮືອນບໍ່ໃຫ້ຍຸງລາຍມາໄຂ່ໃສ່ ),
ປ ປ່ຽນ ( ປ່ຽນນ້ຳໃນພາຊະນະທີ່ກັກເກັບນ້ຳ ເຊັ່ນ: ເຕົ້າດອກໄມ້, ນ້ຳຮອງຕີນຕູ້ ແລະ ອື່ນໆ ໂດຍການຂັດຖູເອົາໄຂ່ຍຸງອອກຈຶ່ງໃສ່ນໍ້າໃໝ່ ),
ປ ປ່ອຍ ( ປ່ອຍປາຫາງນົກຍຸງເພື່ອກິນໜອນນ້ຳໂດຍປະໄວ້ບໍລິເວນທີ່ຍຸງມັກອາໄສຢູ່ ເປັນຕົ້ນແມ່ນບ່ອນທີ່ມືດ ),
ປ ປັບປຸງ ( ປັບປຸງອະນາໄມສິ່ງແວດລ້ອມອ້ອມເຮືອນໃຫ້ສະອາດເປັນປະຈຳທຸກອາທິດ )
ປ ປະຕິບັດ ( ປະຕິບັດໃຫ້ເປັນນິດໄສທຸກໆອາທິດ ເນື່ອງຈາກໄຂ່ຍຸງລາຍຈະມີການຟັກໂຕ ແລະ ແຕກອອກມາໃນໄລຍະ 7 ມື້) . 

ຖ້າເປັນໄຂ້ໃຫ້ໄປປິ່ນປົວຢູ່ໂຮງໝໍ ຫລື ສຸກສາລາໃກ້ບ້ານ ພຽງເທົ່ານີ້ ທ່ານກໍຈະເປັນສ່ວນໜຶ່ງ ໃນການຕ້ານ ແລະ ສະກັດກັ້ນ ພະຍາດໄຂ້ເລືອດອອກ.
ໂດຍ: ຄຳໃບ ເຂັມທອງ  ຫນັງສືພິມສາລະວັນ