ບໍລິຄໍາໄຊ: ລາຍງານຈາກປະຊາຊົນໃຫ້ຮູ້ວ່າ ເວລາປະມານ 00:02 ວັນທີ 28 ມິຖຸນາ 2019 ເກີດອຸບັດຕິເຫດ ລົດຕໍາກັນ 5 ຄັນຊ້ອນ ທາງ 13 ໃຕ້ ເຂດທາງໂຄ້ງ ບ້ານໂພນສີ ເມືອງປາກກະດິງ ແຂວງບໍລິຄໍາໄຊ.
ຂໍ້ມູນໃຫ້ຮູ້ວ່າ ອຸບັດຕິເຫດ ເກີດຂຶ້ນ ຍ້ອນຄວາມປະໝາດ ແລະ ບໍ່ເຄົາລົບກົດຈາລະຈອນ ຂອງລົດໂດຍສານ ເພາະເຫດຄັ້ງນີ້ ມີລົດເມຮ່ວມເຫດ 4 ຄັນ ແລະ ລົດ 6 ລໍ້ ແກ້ປາ 1 ຄັນ. ໃນຈໍານວນນີ້ ມີລົດທີ່ໄປຕໍາເອົາຕູບໜ້າເຮືອນປະຊາຊົນ 1 ຄັນ. ໂຊເຟີຂັບລົດ ບາດເຈັບສາເຫດ 1 ຄົນ ຖືກນໍາສົ່ງໂຮງໝໍແລ້ວ. ສ່ວນການສັນຈອນ ແມ່ນຕິດຄັດ. ຈິ່ງແຈ້ງເຕືອນໃຫ້ທຸກຄົນລະມັດລະວັງ. ເພາະຝົນກໍ່ຕົກນໍາອີກ.
ຝາກເຖິງເຈົ້າໜ້າທີ່ກ່ຽວຂ້ອງໄດ້ ເອົາໃຈໃສ່ ອົບຮົມຜູ່ປະກອບການລົດເມ ຕ້ອງໄດ້ມີການເຄົາລົບ ແລະ ໃຫ້ກຽດເຊິ່ງກັນແລະກັນ ໃນການສັນຈອນຕື່ມ.
ພາບແລະຂ່າວ: ນັກຂ່າວສັນຈອນ
Cr: ໂທລະໂຄ່ງ THOLAKHONG
ຄລິບຈາກທີ່ເກີດເຫດ
