ທ່ານ ຄຳພັນ ສິດທິດຳພາ ໄດ້ຮັບການແຕ່ງຕັ້ງ ເປັນເຈົ້າແຂວງ ແຂວງວຽງຈັນ ຜູ່ໃໝ່

ລັດຖະບານ: ໃນເຊົ້າວັນນີ້ 12 ມິຖຸນາ 2019, ໄດ້ມີການມອບຮັບຕຳແໜ່ງເຈົ້າແຂວງວຽງຈັນລະຫວ່າງ ທ່ານ ວີດົງ ໄຊຍະສອນ (ເຈົ້າແຂວງຜູ້ເກົ່າ) ທີ່ພາຍໃນກອງປະຊຸມສະພາແຫ່ງຊາດຮັບຮອງເປັນ ລັດຖະມົນຕີປະຈຳສຳນັກງານນາຍົກລັດຖະມົນຕີ ແລະ ທ່ານ ຄຳພັນ ສິດທິດຳພາ (ເຈົ້າແຂວງຜູ້ໃໝ່) ທີ່ຍົກຍ້າຍຕຳແໜ່ງຈາກປະທານສານປະຊາຊົນສູງສຸດ.

ການແຕ່ງຕັ້ງບຸກຄະລາກອນຂັ້ນເຈົ້າແຂວງ ຫົວໜ້າອົງການ ທະບວງ ສະຖາບັນ ແລະ ການນຳອື່ນໆ ທີ່ບໍແມ່ນລັດຖະມົນຕີ ຈົນເຖີງຂັ້ນເຈົ້າເມືອງ, ແມ່ນສິດໂດຍກົງຂອງນາຍົກລັດຖະມົນຕີແຫ່ງ ສປປລາວ ຕາມການສະເໜີຄົ້ນຄວ້າຂອງຄະນະຈັດຕັ້ງສູນກາງພັກ, ບໍ່ຈຳເປັນຕ້ອງນຳສະເໜີເຂົ້າຜ່ານການພິຈາລະນາ ແລະ ຮັບຮອງດ້ວຍການລົງຄະແນນສຽງຈາກກອງປະຊຸມສະມາຊິກສະພາແຫ່ງຊາດ.

_______
ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ
ສາມາດສົ່ງໄປທາງຂໍ້ຄວາມ ໄປທີ່ m.me/Pakaad

ພິເສດ: ເປັນກໍາລັງໃຈໃຫ້ທີມງານພວກເຮົາ ພຽງແຕ່ທ່ານກົດອ່ານໂຄສະນາ ທີ່ປະກົດຢູ່ດ້ານລຸ່ມ