ການເຮັດສົ້ມຫມູບໍ່ແມ່ນເລື້ອງຍາກອີກຕໍ່ໄປ ຖ້າໃຈມັກ ທັງສາມາດສ້າງລາຍໄດ້ເສີມໃຫ້ທ່ານໄດ້ນຳອີກ

ສົ້ມຫມູເປັນອາຫານທີ່ຄົນລາວນິຍົມຊົມຊອບກິນໃນງານຕ່າງໆ ຫລື ນຳມາຊຸມແຊວໃນກຸ່ມຄົນທີ່ມັກສັງສັນ
ເປັນອາຫານທີ່ກິນງ່າຍ ແລະ ແຊບ ໃນງານບຸນ ຫລື ງານດອງ ຫລື ງານຕ່າງໆລ້ວນນິຍົມນຳສົ້ມຫມູມາໄວ້ໃຫ້ຄົນໃນງານໄດ້ຮັບປະທານ

ມາຮູ້ ວິທີເຮັດສົ້ມໝູແຊບໆນໍາກັນເດີພີ່ນອ້ງ ສົ້ມໝູເປັນອາຫານ ຫລື ກັບແກ້ມຊະນິດໜື່ງທີ່ເກີດມາຈາກພູມປັນຍາທອ້ງຖິ່ນ ໃຊ້ວັດຖຸດິບບໍ່ຫລາຍສາມາດເຮັດໄດ້ງ່າຍ ມື້ນີ້ເຮົາຈະມາຮູ້ວິທີເຮັດໄປພ້ອມໆກັນ. ສ່ວນປະກອບມີ: ຊີ້ນນໝູບົດ 1 ກິໂລ,ໜັງໝູຕົ້ມສຸກຊອຍບາງໆ 5 ຂີດ,ເກືອ 1 ບ່ວງ,ແປ້ງນົວເຄິ່ງບ່ວງ,ເຂົ້າໜຽວໜື້ງສຸກ 1 ກຳມື,ກະທຽມຕໍາລະອຽດ 1 ກຳມື ນຳເອົາສ່ວນປະສົມທັງໝົດມາຄົນໃສ່ກັນແລ້ວຄັ່ນຈົນໝູມີຄວາມໜຽວຂື້້ນ ໝັກໄວ້ປະມານ 30 ນາທີ ກໍ່ສາມາດນໍາເອົາໃບຕອງມາຫໍ່ໄດ້ເລີຍ ເວລາຫໍ່ຢ່າລືມໃສ່ໝາກເພັດດິບ ແລະ ໃບໝາກຍົມ ນໍາເດີ້ ປະໄວ້ປະມານ 1-2 ມື້ກໍ່ສາມາດກີນໄດ້ແລ້ວ. ນອກຈາກຈະມີວິທີເຮັດທີ່ແສນຈະງ່າຍດາຍແລ້ວສາມາດເຮັດໄວ້ກີນ ຫລື ຂາຍເພື່ອສ້າງລາຍເພີ່ມໃຫ້ຄອບຄົວນໍາອີກ.