ໃຜມັກກິນຫນໍ່ແຍ້ແນ່ ??? ມາຮູ້ວິທີປູກຫນໍ່ແຍ້ນຳກັນເດີ້ທຸກຄົນ

ມາຮູ້ ວິທີປູກໜໍ່ແຍ້ນໍາກັນເດີ ໜໍ່ແຍ້ເປັນພືດຊະນິດໜື່ງທີ່ຂື້ນຕາມປ່າທີ່ອຸດົມສົມບູນ 

ແຕ່ໃນປັດຈຸບັນນີ້ເພື່ອຄວາມສະດວກຈື່ງ ໄດ້ມີການນຳມາປູກເອງ ຕາມບໍລິເວນແຄມເຮືອນ ຫລື ສວນເພາະເປັນພືດທີ່ປູກ ແລະ ດູແລຮັກສາງ່າຍ,ທົນຕໍ່ສະພາບອາກາດໄດ້ດີ. 

ການຄັດເລືອກຕົ້ນພັນທີ່ຈະນຳມາປູກຄວນເລືອກຕົ້ນທີ່ມີໃບຍາວ ແລະ ມີກາບຫຸ້ມຫລາຍກວ່າ 3 ກາບຂື້ນໄປ ຄວາມຫ່າງຂອງຖັນແຖວ 1,5ແມັດ x 1,5ແມັດ ຂຸດຂຸມເລິກປະມານ 30 ເຊັນແລ້ວຮອງກົ້ນຂຸມດ້ວຍຝຸ່ນຂີ້ງົວປະສົມກັບຂີ້ແກບແລ້ວນຳຕົ້ນພັນທີ່ກະກຽມໄວ້ໄປປູກໃສ່ 

ຖົມດີນແລ້ວປົກດ້ວຍເຟືອງຫົດນໍ້າຢ່າງສະໝໍ່າສະເໜີໃນຊ່ວງທີ່ປູກທຳອິດ ຫລັງຈາກຕົ້ນໜໍ່ແຍ້ຂື້ນແລ້ວກໍ່ເສຍຫຍ້າ ໃສ່ຝຸ່ນຢ່າງໜອ້ຍປີລະ 1 ເທື່ອເພື່ອເຮັດໃຫ້ແຕກກໍໄວ ປະມານ 1-2 ປີກໍ່ຈະມີໜໍ່ແຍ້ໃຫ້ຕັດຕະຫລອດໄປແລ້ວ.