ບັນດາໂຮງໝໍຕ່າງໆໃນທົ່ວແຂວງສຸມໃສ່ແກ້ໄຂບັນຫາ ການລະບາດຂອງພະຍາດໄຂ້ຍູງຢ່າງເລັ່ງດ່ວນ

ຢູ່ທີ່ຫ້ອງປະຊຸມພະແນກ ສາທາລະນະສຸກແຂວງສະ ຫວັນນະເຂດ ໃນວັນທີ 24 ກໍ ລະກົດ 2019, 

ພະນັກງານວິຊາການສາທາລະນະສຸກທີ່ມາ ຈາກພະແນກສາທາລະສຸກ ແຂວງ, ໂຮງໝໍແຂວງ, ໂຮງໝໍ ທະຫານແຂວງ, ໂຮງໝໍ 109, ໂຮງໝໍຕຳຫຼວດ, ໂຮງໝໍເມືອງ ແລະສາ​ທາລະ​ນະສຸກນະຄອນ ໄກສອນ ພົມວິຫານ 

ໄດ້ເຂົ້າ ຮ່ວມໃນກອງປະຊຸມຖອດຖອນ ບົດຮຽນທົບ ທວນມາດຕະການ ແລະປະເມີນການຄວບຄຸມພະຍາດໄຂ້ຍູງພາຍໃນແຂວງສະ ຫວັນນະເຂດ. 

ໃຫ້ກຽດເຂົ້າ ຮ່ວມເປັນປະທານກອງປະຊຸມ ໂດຍມີ ທ່ານ ຕຽງຄຳ ປ້ອງ ວົງສາ ຮອງຫົວໜ້າພະແນກສາ ທາລະນະສຸກແຂວງ ພ້ອມດ້ວຍ ພາກສ່ວນກ່ຽວຂ້ອງເຂົ້າຮ່ວມ.
ໃນກອງປະຊຸມ, ທ່ານໝໍ ໜູດາ ປຣະສິດ ຮອງຫົວໜ້າຂະ ແໜງຄວບຄຸມພະຍາດຕິດຕໍ່ ໄດ້ລາຍງານວ່າ: ມາຮອດວັນທີ 23 ກໍລະກົດ 2019, ທົ່ວແຂວງ ສະຫວັນນະເຂດໄດ້ເກັບກຳກໍລະນີຄົນເຈັບ, ຄົນເສຍຊີວິດ ຍ້ອນພະຍາດດັ່ງກ່າວ, ໃນນີ້ໄດ້ ເກີດກໍລະນີຄົນເປັນໄຂ້ຍູງໃນທົ່ວແຂວງ ຈຳນວນ 2.681 ກໍລະນີ, ມີຄົນເສຍຊີວິດແລ້ວ 12 ຄົນ,

ໃນນີ້ ນະຄອນ ໄກສອນ ພົມວິຫານມີຄົນເປັນໄຂ້ຍູງ 568 ກໍລະນີ, ມີຜູ້ເສຍຊີວິດ 0 ຄົນ, ເມືອງອາດສະພອນມີຜູ້ ເປັນໄຂ້ຍູງ 405 ກໍລະນີ, ມີ ຜູ້ເສຍຊີວິດ 5 ຄົນ, ເມືອງອຸ ທຸມພອນມີຜູ້ເປັນໄຂ້ຍູງ 291 ກໍລະນີ, ມີຜູ້ເສຍຊີວິດ 2 ຄົນ ແລະເມືອງຈຳພອນມີຜູ້ເປັນ ໄຂ້ຍູງ 120 ຄົນ, ມີຜູ້ເສຍຊີວິດ 2 ຄົນ. 

ໃນກອງປະຊຸມຍັງໄດ້ລາຍ ງານການສົມທຽບຈຳນວນກໍລະນີຕໍ່ປະຊາກອນ 100.000 ຄົນ. ພ້ອມນັ້ນ, ບັນດາໂຮງໝໍ ແຫ່ງຕ່າງໆຍັງໄດ້ລາຍງານກ່ຽວກັບບັນຫາທີ່ພົບໃນການໃຫ້ບໍລິການດ້ານການປິ່ນປົວ ເປັນຕົ້ນແມ່ນ: ການເຝົ້າລະວັງ ແລະການຕອບໂຕ້ການລະ ບາດ, ການຄຸ້ມຄອງກໍລະນີການ ນຳສົ່ງຄົນເຈັບ, ການຄວບ ຄຸມພາຫະນຳເຊື້ອ, ການສື່ສານ ຄວາມສ່ຽງ ແລະການໃຫ້ສຸ ຂະສຶກສາ. ຈາກນັ້ນແຕ່ລະພາກ ສ່ວນກໍ່ໄດ້ມີການຖອດຖອນ ບົດຮຽນ ແລະການຕ້ານພະ ຍາດໄຂ້ຍູງຢ່າງເລັ່ງດ່ວນ./.