ພິທີມອບ-ຮັບງົວແນວພັນດັ່ງກ່າວໄດ້ຈັດຂຶ້ນໃນຕອນ ເຊົ້າຂອງວັນທີ 23 ກໍລະກົດ 2019 ນີ້, ຢູ່ທີ່ດ່ານ 9/2 ຈຸດ ສຸມປະເລາະ-ອາສິງເມືອງ ນອງແຂວງສະຫວັນນະເຂດ ໂດຍເປັນກຽດເຂົ້າຮ່ວມຂອງ ທ່ານ ແຕງອ່ອນ ຈັນທະລະນອງ ຮອງເຈົ້າເມືອງໆນອງ, ທ່ານ ພັທ ເຈີນ ຕວນແອັງ ຮອງຫົວ ໜ້າກອງບັນຊາການທະຫານ ຊາຍແດນແຂວງກວາງຈິ, ມີ ບັນດາທ່ານຫົວໜ້າ-ຮອງຫົວ ໜ້າຫ້ອງການທີ່ກ່ຽວຂ້ອງ, ຫົວ ໜ້າຈຸດສຸມ, ກຸ່ມບ້ານ, ພໍ່ແມ່ ປະຊາຊົນເຂດຈຸດສຸມປະເລາະ-ອາສິງເຂົ້າຮ່ວມຢ່າງພ້ອມພຽງ.
ເຊິ່ງງົວແນວພັນທີ່ໄດ້ມີ ການມອບ-ຮັບໃນພິທີຄັ້ງນີ້ມີ ຈຳນວນ 5 ໂຕ, ລວມມູນຄ່າ 75 ລ້ານດົງ ເພື່ອມອບໃຫ້ພໍ່ ແມ່ປະຊາຊົນບ້ານເປົ້າໝາຍລຽບຕາມຊາຍແດນລາວ-ຫວຽດນາມ ທີ່ທຸກຍາກໃນເຂດ ຈຸດສຸມປະເລາະ-ອາສິງ ເມືອງ ນອງຈຳນວນ 5 ຄອບຄົວ ເຊິ່ງນີ້ແມ່ນໜຶ່ງໃນກິດຈະກຳ ເພື່ອເປັນການຜັນຂະຫຍາຍ ແລະສະເຫຼີມສະຫຼອງໃນງານ ພົບປະມິດຕະພາບຊາຍແດນ ລາວ-ຫວຽດນາມຄົບຮອບ 15 ປີແຫ່ງການແຮກສ່ຽວຂອງ ທັງສອງຝ່າຍໃຫ້ມີບາດກ້າວ ຂະຫຍາຍຕົວ ແລະມີຄວາມ ຮັດແໜ້ນຍິ່ງໆຂຶ້ນ.
ໂອກາດດັ່ງກ່າວ, ທ່ານ ແຕງອ່ອນກໍ່ໄດ້ຕາງໜ້າໃຫ້ຄະ ນະພັກ-ອຳນາດການປົກຄອງ ເມືອງນອງ ກ່າວຄຳຂອບໃຈ ແລະຮູ້ບຸນຄຸນເປັນຢ່າງສູງຕໍ່ ການນຳແຂວງກວາງຈິທີ່ມີ ນ້ຳໃຈອັນສູງສົ່ງ ແລະປ່ຽມລົ້ນ ອັນຫາທີ່ປຽບບໍ່ໄດ້ຕໍ່ກັບການ ຊ່ວຍເຫຼືອພໍ່ແມ່ປະຊາຊົນຊາວເມືອງນອງໃນຄັ້ງນີ້ ເຖິງວ່າ ຈະບໍ່ແມ່ນມູນຄ່າອັນມະຫາ ສານ ແຕ່ມັນກໍ່ມີຄຸນຄ່າທາງ ຈິດໃຈທີ່ຊື້ບໍ່ໄດ້./.
