ພະແນກສາທາລະນະສຸກ ແຂວງຄຳມ່ວນ ມອບລົດຈັກ 4 ຄັນ ເພື່ອຮັບໃຊ້ວຽກ ໂຄງການສັກຢາກັນພະຍາດຂັ້ນແຂວງ ໃນ 3 ເມືອງ

ພະແນກສາທາລະນະສຸກ ແຂວງຄຳມ່ວນ ມອບພາຫະນະຮັບໃຊ້ເຂົ້າໃນ ໂຄງການສັກຢາກັນພະຍາດຂັ້ນແຂວງ

ວັນທີ 14 ມິຖຸນາ 2019 ທີ່ພະແນກສາທາລະນະສຸກ ແຂວງຄຳມ່ວນ ໄດ້ມີພິທີມອບພາຫະນະ (ລົດຈັກ) ຮັບໃຊ້ເຂົ້າໃນໂຄງການສັກຢາກັນພະຍາດຢູ່ຂັ້ນໂຮງໝໍເມືອງ ແລະ ສຸກສາລາຂັ້ນບ້ານ ໂດຍການສະໜັບສະໜູນຈາກ ກອງທຶນ ກາວີ (GAVI) ປະຈຳລາວ ເພື່ອນຳໃຊ້ເຂົ້າໃນການຈັດຕັ້ງປະຕິບັດ ໃນຂົງເຂດວຽກງານ ສາທາລະນະສຸກ ໂດຍສະເພາະວຽກງານສົ່ງເສີມ ແລະ ສັກຢາກັນພະຍາດໃນຂັ້ນເມືອງ ແລະ ສຸກສາລາກຸ່ມບ້ານ ເຮັດໃຫ້ການເຄື່ອນໄຫວ ວຽກງານຢູ່ຂັ້ນທ້ອງຖິ່ນມີຄວາມສະດວກ ແລະ ບັນລຸຕາມແຜນການທີ່ວາງໄວ້. ເຊິ່ງລົດທີ່ນຳມາມອບໃນຄັ້ງດັ່ງກ່າວ ປະກອບມີ ລົດຈັກ ຍີ່ຫໍ້ ຮອນດ້າ ເວັບ 100 (Honda Wave 100) ຈຳນວນ 04 ຄັນ.


ລວມມູນຄ່າ ທັງໝົດ 35 ລ້ານກວ່າກີບ. ໃນນີ້ແມ່ນໄດ້ມອບໃຫ້ແກ່ໜ່ວຍງານສັກຢາກັນພະຍາດ ຫ້ອງການສາທາລະນະສຸກ ເມືອງບົວລະພາ ຈຳນວນ 01 ຄັນ, ສຸກສາລາບ້ານໂນນກະແຕ້ ເມືອງເຊບັ້ງໄຟ 01 ຄັນ, ໜ່ວຍງານສັກຢາກັນພະຍາດ ຫ້ອງການສາທາ ລະນະສຸກເມືອງຍົມມະລາດ ແລະ ສຸກສາລາວຽງຫຼວງ ເມືອງຍົມມະລາດ ຈຳນວນ 02 ຄັນ.

ເປັນກຽດມອບໂດຍທ່ານ ດຣ ທອນລະຂັນ ໄຊປັນຍາ ຫົວໜ້າພະແນກສາທາລະນະສຸກແຂວງຄຳມ່ວນ, ກ່າວຮັບໂດຍຜູ້ຕາງໜ້າຈາກໂຮງໝໍເມືອງ ແລະ ສຸກສາລາກຸ່ມບ້ານດັ່ງກ່າວ ໂດຍມີຂະແໜງການ, ພະນັກງານວິຊາການ ທີ່ກ່ຽວຂ້ອງຈາກຂົງເຂດສາທາລະນະສຸກແຂວງ ແລະ ເມືອງເປົ້າໝາຍເຂົ້າຮ່ວມເປັນສັກຂີພິຍານ.
_______
ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ
ສາມາດສົ່ງໄປທາງຂໍ້ຄວາມ ໄປທີ່ m.me/Pakaad

ພິເສດ: ເປັນກໍາລັງໃຈໃຫ້ທີມງານພວກເຮົາ ພຽງແຕ່ທ່ານກົດອ່ານໂຄສະນາ ທີ່ປະກົດຢູ່ດ້ານລຸ່ມ