ຫົວເຫວີຍເປີດໂຕ Huawei P30 Series-Super Camera Smartphone ຢ່າງເປັນທາງການໃນລາວ

ຫົວເຫວີຍເປີດໂຕ Huawei P30 Series-Super Camera Smartphone ຢ່າງເປັນທາງການໃນລາວ

ຫົວເຫວີຍເປີດໂຕ Huawei P30 Series-Super Camera Smartphone ຢ່າງເປັນທາງການໃນລາວ

ທີ່ວຽງຈັນເຊັນເຕີ, ວັນທີ 6 ເມສາທີ່ຜ່ານມາຫົວເຫວີຍລາວໄດ້ຈັດງານເປີດໂຕ Huawei P30 Series ສຸດຍອດສະມາດໂຟນທີ່ຈະມາປ່ຽນແປງທຸກກົດເກນ ແລະ ສ້າງກົດໃໝ່ໃນການຖ່າຍພາບທີ່ເຕັມໄປດ້ວຍປະສິດທິພາບອັນມະຫັດສະຈັນ ແລະ ນະວັດຕະກໍາອັນລ້ໍາສະໄໝຂອງການອອກແບບ ພ້ອມສີສັນທີ່ມາໃໝ່ສະກົດທຸກສາຍຕາ ເຊິ່ງໃນປະເທດລາວໄດ້ມີການເປີດໂຕ Huawei P30 Series ລວມທັງໝົດ 3 ລຸ້ນໄດ້ແກ່ລຸ້ນທ໋ອບ Huawei P30 Pro, Huawei P30 ແລະ ລຸ້ນນ້ອງທີ່ມີສະເປັກຄຸ້ມຄ່າໃນລາຄາທີ່ໜ້າຮັກ Huawei P30 Lite.    

ການສະແດງ ຂອງ ອາລຸນາ

ພາຍໃນງານແມ່ນມີຄົນດັງຈາກຫຼາກຫຼາຍວົງການເຂົ້າຮ່ວມບໍ່ວ່າຈະເປັນ “Aluna” ສິນລະປິນສາວທີ່ເຕັມໄປດ້ວຍຄວາມສາມາດ ໃຫ້ກຽດໂຊເພງເປີດງານຢ່າງຍິ່ງໃຫຍ່ ແລະ ປະທັບໃຈ.

“ຕິນ່າ ຜ້າໄໝ” Designer 

 “ຕິນ່າ ຜ້າໄໝ” Designer ລະດັບແຖວໜ້າຂອງລາວທີ່ໄດ້ອອກແບບຊຸດສຳລັບແຟຊັ້ນໂຊພາຍໃນງານ ໂດຍຊຸດຟິນາເລ່ ແມ່ນໄດ້ຮັບແຮງບັນດານໃຈມາຈາກສີ Breathing Crystal ເຊິ່ງເປັນສີທີ່ມາໃໝ່ຂອງ Huawei P30 Series ສໍາລັບແຟຊັ້ນໂຊພາຍໃນງານໄດ້ຮັບກຽດຈາກນາງແບບຊື່ດັງໃນວົງການ Tot Lina ມາເດີນແບບໃນຊຸດສຸດທ້າຍຟິນາເລ່ ເຊິ່ງເປັນແຟຊັ້ນໂຊທີ່ມີຄວາມຍິ່ງໃຫຍ່ອະລັງການ ເຮັດໃຫ້ຜູ້ຊົມຮືຮາຕື່ນເຕັ້ນກັນຢ່າງຫຼວງຫຼາຍ.

ສຳພາດພິເສດຈາກຄົນດັງທັງ 5 ຄົນ Aluna, Tyna, Tot Lina, Ped

ນອກຈາກນັ້ນແລ້ວ ຍັງມີການສຳພາດພິເສດຈາກຄົນດັງທັງ 5 ຄົນ Aluna, Tyna, Tot Lina, Ped ນັກທຸລະກິດໜຸ່ມໄຟແຮງໃນຕອນນີ້ ເຈົ້າຂອງຄ່າຍເພງຊື່ດັງ Indee record ແລະ ບໍລິສັດສາມາດອໍກາໄນສເຊີອັນດັບ 1 ໃນລາວເຊິ່ງມີຄວາມສາມາດພິເສດອີກດ້ານຄືໃນເລື່ອງຂອງໄອທີ ແລະ ຄົນສຸດທ້າຍ Bay The moment ຊ່າງພາບຊື່ດັງຄິວທອງທີ່ສຸດໃນວົງການຖ່າຍພາບທັງ 5 ທ່ານ ໄດ້ມາຮ່ວມແລກປ່ຽນ ແຊຣປະສົບການນໍາໃຊ້ຈິງຂອງ Huawei P30 Pro ວ່າໄດ້ມາສ້າງກົດໃໝ່ໃນການໃຊ້ສະມາດໂຟນຂອງໂຕເອງແນວໃດແດ່ ເຊິ່ງຖືວ່າເປັນຂໍ້ມູນທີ່ມີປະໂຫຍດຕໍ່ຜູ້ທີ່ມາຮ່ວມງານຢ່າງຫຼວງຫຼາຍ ແລະ ນອກຈາກນັ້ນຍັງມີ Business Partner, ສື່ມວນຊົນ ແລະ ບຸກຄົນໃນວົງການບັນເທິງທີ່ມີຊື່ສຽງໂດ່ງດັງຫຼາຍທ່ານມາຮ່ວມງານເປີດໂຕໃນຄັ້ງນີ້.

ຊົມ Huawei P30 Series-Super Camera Smartphone

ເຊິ່ງໃນງານທາງຫົວເຫວີຍໄດ້ຈັດໃຫ້ລູກຄ້າສຳພັດກັບປະສົບການຈິງຂອງຟັງຊັ້ນສຸດລ້ຳໃນດ້ານການຖ່າຍພາບຂອງ Huawei P30 Series Super Camera Smartphone ດ້ວຍ Experience zone ທີ່ໃຫ້ລູກຄ້າໄດ້ສຳພັດການຟັງຊັ້ນໃໝ່ໆດັ່ງນີ້ Super Zoom , Super Portrait bokeh, Dual-View VDO zone,  Macro Photography, 3D Modelling,  AR Measure, Super Night mode ໂດຍໃນແຕ່ລະຟັງຊັ້ນໄດ້ສ້າງຄວາມຕື່ນເຕັ້ນໃຫ້ກັບຜູ້ເຂົ້າຮ່ວມງານຢ່າງຫຼວງຫຼາຍກັບນະວັດຕະກໍາໃໝ່ໆ.

ທ່ານ ນາງ ຊັດຊະນີ ສຳອາງເນດ ຮອງຜູ້ອຳນວຍການ ແລະ ຫົວຫນ້າການຕະຫລາດ Huawei Laos Consumer Business Group

ທ່ານ ນາງ ຊັດຊະນີ ສຳອາງເນດ ຮອງຜູ້ອຳນວຍການ ແລະ ຫົວຫນ້າການຕະຫລາດ Huawei Laos Consumer Business Group ໄດ້ກ່າວວ່າ “ຕ້ອງຂໍຂອບໃຈລູກຄ້າໃນລາວທຸກທ່ານທີ່ໃຫ້ການຕອບຮັບສິນຄ້າຈາກຫົວເຫວີຍດ້ວຍດີຕະຫຼອດມາ ສຳລັບ Huawei P30 Series ເຮົາໄດ້ເລີ່ມເປີດໃຫ້ລູກຄ້າສັ່ງຈອງໃນວັນທີ 27 ມີນາທີ່ຜ່ານມາ ແລະ ໄດ້ສ້າງປະກົດການໃໝ່ຂອງການສັ່ງຈອງ ເພາະພຽງ 5ມື້ເທົ່ານັ້ນ Huawei P30 Pro ໄດ້ມີຍອດການສັ່ງຈອງເຕັມແລ້ວ ຈົນເຮັດໃຫ້ຕ້ອງມີການເປີດສັ່ງຈອງໃນຮອບທີສອງ ສິ່ງທີ່ເຮັດໃຫ້ Huawei P30 Series ໄດ້ຮັບຜົນຕອບຮັບທີ່ດີ ກໍຍ້ອນວ່າສະມາດໂຟນໃນປັດຈຸບັນມີຄວາມສໍາຄັນຢ່າງຍິ່ງຕໍ່ການໃຊ້ງານໃນຊີວິດປະຈໍາວັນ 

ໂດຍສະເພາະການຖ່າຍຮູບທີ່ໃນຍຸກນີ້ ໃຜໆກໍມັກຖ່າຍຮູບ ແລະ ແຊຣລົງໂລກໂຊຊຽວ ໂດຍ P30 Series ຕໍ່ຍອດຈາກ P20 Series ທີ່ໄດ້ຮັບຜົນຕອບຮັບທີ່ດີຢ່າງລົ້ນເຫຼືອ ໃນຕອນນີ້ Huawei P30 Series ພ້ອມທີ່ຈະປ່ຽນແປງກົດເກນ ແລະ ສ້າງບັນທັດຖານໃໝ່ຂອງການຖ່າຍພາບບົນສະມາດໂຟນໃນທຸກຮູບແບບ, ຫົວເຫວີຍເຂົ້າໃຈຄວາມຕ້ອງການຂອງຜູ້ບໍລິໂພກຈຶ່ງມຸ່ງເນັ້ນວິໄຈ ແລະ ພັດທະນານະວັດຕະກໍາຕໍ່ເນື່ອງຢ່າງບໍ່ຢຸດຢັ້ງ ໂດຍມີການຄິດຄົ້ນ ແລະ ພັດທະນາຮ່ວມກັບ ໄລກ້າ ຈົນອອກມາເປັນ Leica Quad Camera System ອອກແບບເຊັນເຊີໃໝ່ HUAWEI Super Spectrum, ເລນSuper Zoom ແລະກ້ອງໃໝ່ HUAWEI TOF ທີ່ເຮັດໃຫ້ກ້ອງເຮັດວຽກຮ່ວມກັບ AI ສ້າງພາບໜ້າຊັດຫຼັງເບີໄດ້ດີຫຼາຍຂຶ້ນກວ່າເກົ່າ ໂດຍເຊັນເຊີໃໝ່ນີ້ສາມາດຮັບແສງໄດ້ດີຂຶ້ນຮ່ວມກັບລະບົບກັນສັ່ນ OIS ແລະ AIS ຈົນສາມາດຖ່າຍພາບໃນບ່ອນທີ່ມີແສງນ້ອຍໄດ້ຢ່າງມະຫັດສະຈັນ”

Huawei P30 Series-Super Camera Smartphone

HUAWEI P30 Series ປະກອບດ້ວຍ HUAWEI P30 และ HUAWEI P30 Pro ພ້ອມທີ່ຈະປ່ຽນແປງກົດເກນເໜືອຄວາມຄາດໝາຍ ຮັບປະກັນຜົນຄະແນນຈາກ DxOMark ສູງທີ່ສຸດໃນຂະນະນີ້ເຖິງ 112 ຄະແນນໂດຍ P30 Pro ມາພ້ອມ Leica Quad Camera System ປະກອບໄປດ້ວຍ

• ກ້ອງຖ່າຍພາບຫຼັກຄວາມລະອຽດສູງສຸດເຖິງ 40 ລ້ານພິກເຊວທີ່ໃຊ້ເຊັນເຊີຮັບແສງຮູບແບບໃໝ່ເຊິ່ງມີຂະໜາດພິກເຊວຮັບແສງທີ່ໃຫຍ່ຂຶ້ນ HUAWEI Super Spectrum, 
• ກ້ອງ Ultra-Wide Angle Lens 20 ລ້ານພິກເຊວ, ກ້ອງຖ່າຍພາບໄລຍະໄກ Telephoto Lens 8 ລ້ານພິກເຊວ ແລະ ກ້ອງສໍາລັບວັດໄລຍະວັດຖຸດ້ວຍແສງ (TOF Camera) ລວມໄປເຖິງກ້ອງໜ້າທີ່ພັດທະນາຂຶ້ນມາອີກຂັ້ນໃຫ້ຄວາມລະອຽດສູງສຸດເຖິງ 32 ລ້ານພິກເຊວ 
• ພ້ອມດ້ວຍນະວັດຕະກໍາສຸດລ້ໍາຈາກການເຮັດວຽກຮ່ວມກັນຂອງ HUAWEI AIS, OIS ແລະ ຮູຮັບບແສງກວ້າງ  f/1.6 ແລະ Super Zoom ລະບົບຊູມທີ່ຮອງຮັບອອບຕິຄອລຊູມສູງສຸດ 5 ເທົ່າ, ໄຮບຣິດຊູມສູງສຸດ 10 ເທົ່າ ແລະ ດິຈີຕອລຊູມ 50 ເທົ່າ, 

ນອກນັ້ນຍັງພັດທະນາການຖ່າຍວິດີໂອ ໃຫ້ລ້ຳສະໄໝໄປອີກຂັ້ນ ໃຫ້ການຖ່າຍວິດີໂອໃນບ່ອນມືດ ຫຼື ແສງນ້ອຍ ຍັງຄົງງາມ ຄົມຊັດ ແລະ ເພີ່ມຟີເຈີໃໝ່ຄື Dual-view Video ທີ່ກ້ອງສາມາດຖ່າຍວິດີໂອໄດ້ຫຼາຍໄລຍະໃນເວລາດຽວກັນ ແຖມຍັງອັດແໜ້ນເຕັມປະສິດທິພາບດ້ວຍ ຊິບເຊັດ Kirin 980 ລະບົບສະແກນລາຍນິ້ວມືໃຕ້ໜ້າຈໍ (In-Screen Fingerprint) HUAWEI Super Charge ທີ່ໃຫ້ກຳລັງໄຟຟ້າໄດ້ເຖິງ 40 ວັດ ສຳລັບຄັ້ງນີ້ແມ່ນພິເສດຍິ່ງກວ່າ ເພາະໄດ້ມີການເປີດໂຕລຸ້ນນ້ອງ HUAWEI P30 Lite ສະມາດໂຟນລາຄາທີ່ສຸດຄຸ້ມ ກ້ອງຫຼັງ 3 ໂຕ ເພື່ອຄົນຮັກເຊວຟີປະກອບດ້ວຍ ກ້ອງຫຼັກຫຼັງ 24 ລ້ານພິກເຊວ, ກ້ອງ Ultra-Wide 8 ລ້ານພິກເຊວ ແລະ ເລນສຸດທ້າຍຖ່າຍພາບໂບເກ້ 2 ລ້ານພິກເຊວ, ສ່ວນກ້ອງໜ້າຈັດເຕັມມາໃຫ້ເຖິງ 32 ລ້ານພິກເຊວ ເອົາໃຈສາວໆກຸ່ມຄົນທີ່ຮັກໃນການເຊວຟີ້ຢ່າງແທ້ຈິງ ເຮັດໃຫ້ຖ່າຍງາມຄົມທຸກອົງສາ ບົນຊິບເຊັດ Kirin 710.

ສຳລັບໃນລາວ Huawei P30 Pro ( 8GB+256GB) ລາຄາ: 7,690,000 ກີບຈະເປີດໃຫ້ລູກຄ້າໄດ້ສັ່ງຈອງຮອບສອງໃນວັນທີ 8 ເມສາ 2019 ຮັບເຄື່ອງໃນວັນທີ 3 ພຶດສະພາ ໂດຍລູກຄ້າຈະໄດ້ຮັບຂອງງແຖມມູນຄ່າ 900,000 ກີບ ສຳລັບລຸ້ນ Huawei P30 (8GB+128GB) ລາຄາ 5,790,000 ກີບ ແລະ ລຸ້ນ Huawei P30Lite (6GB+128GB) ລາຄາ 2,890,000 ກີບ ໄດ້ເປີດຈໍາໜ່າຍແລ້ວຕັ້ງແຕ່ມື້ນີ້ເປັນຕົ້ນໄປທົ່ວປະເທດ ສຳລັບຂໍ້ມູນເພີ່ມເຕີມສາມາດຕິດຕາມໄດ້ທີ່ເພຈຂອງຫົວເຫວີຍເຮົາທີ່ https://www.facebook.com/HuaweimobileLA/.

________

ປະກາດ ຮ່ວມສ້າງຄວາມສຸກສູ່ສັງຄົມລາວ