ແຈ້ງຂ່າວ ມາຍັງນັກສຶກສາ ເພື່ອຊາບວ່າ ກະຊວງສຶກສາທິການ ແລະ ວັດທະນະທຳ ຮ່ວມກັບ ກະຊວງການຕ່າງປະເທດ ແຫ່ງສາທາລະນະລັດອິນໂດເນເຊຍ ກຳລັງຈະຈັດໂຄງການແລກປ່ຽນການສຶກສາ ໃນລະຫວ່າງເດືອນ ກັນຍາ 2018 - ສິງຫາ 2019 ທີ່ ສະຖາບັນການສຶກສາຕ່າງໆ ໃນປະເທດອິນໂດເນເຊຍ ພາຍໃຕ້ທຶນການສຶກສາ Darmasiswa Scholarship, ຊຶ່ງຈຸດປະສົງຂອງງານແມ່ນ ເພື່ອໃຫ້ຜູ້ເຂົ້າຮ່ວມໄດ້ມີໂອກາດຮຽນຮູ້ພາສາ, ສິລະປະ ແລະ ວັດທະນະທຳອິນໂດເນເຊຍ. ນັກສຶກສາຜູ້ທີ່ມີຄວາມສົນໃຈ ສາມາດເຂົ້າເບິ່ງລາຍລະອຽດການສະໝັກໄດ້ທີ່: http://darmasiswa.kemdikbud.go.id ຫຼື ສອບຖາມຂໍ້ມູນເພີ່ມເຕີມໄດ້ກັບ ສະຖານທູດອິນໂດເນເຊຍ ປະຈຳ ສປປ ລາວ, ໂທ: 020 7675 5866.
ໝາຍເຫດ: ປະກອບເອກະສານສະໝັກທີ່ກ່ຽວຂ້ອງ ສົ່ງເຖິງສະຖານທູດອິນໂດເນເຊຍ ປະຈຳ ສປປ
ລາວ ບໍ່ໃຫ້ກາຍວັນທີ 18 ກຸມພາ 2018.
- ນັກສຶກສາທີ່ຖືກຄັດເລືອກໃຫ້ໄດ້ຮັບທຶນການສຶກສາ ຈະໄດ້ຮັບເບ້ຍລ້ຽງຈຳນວນໜຶ່ງ ເພື່ອໃຊ້ເປັນຄ່າກິນຢູ່ພັກເຊົາ, ແຕ່ນັກສຶກສາຈະຕ້ອງຮັບຜິດຊອບຄ່າເດີນທາງໄປ-ກັບດ້ວຍຕົນເອງ.
ໂຄງການແລກປ່ຽນດີໆ ແບບນີ້ ນັກສຶກສາຢ່າລືມພາກັນໄປສະໝັກຫຼາຍໆເດີເຈົ້າ
ຂອບໃຈຂໍ້ມູນຈາກ: www.nuol.edu.la
_____
ປະກາດ ຮ່ວມສ້າງຄວາມສຸກສູ່ສັງຄົມລາວ