ຫ້ອງການໃໝ່ຂອງ ຫົວເຫວີຍ ຢູ່ວຽງຈັນນິວເວີ ອາລັງການທັນສະໄໝ!

ບໍລິສັດຫົວເຫວິຍປະຈຳລາວໄດ້ຈັດພິທີເປີດຫ້ອງການໃໝ່ຢູ່ວຽງຈັນນິວເວີດ (Vientaine New World) ໃນວັນທີ 28 ເດືອນ 6 ຕຶກຫ້ອງການໃໝ່ບໍລິສັດຫົວເຫວິຍມີສາມຊັ້ນ, ຕັ້ງຢູ່ແຄມຂອງວຽງຈັນນິວເວີດ. ບໍລິສັດຫົວເຫວິຍເປັນຜູ້ສະໜອງເຕັກໂນໂລຊີຂໍ້ມູນຂ່າວສານ (ICT) ຊັ້ນນຳຂອງໂລກ ພະນັກງານບໍລິສັດຫົວເຫວິຍມີ180,000 ຄົນ ຢູ່ທົ່ວໂລກ ແລະ ບໍລິສັດຫົວເຫວິຍຈະສະໜອງເຄື່ອງອຸປະກອນ ແລະ ເຕັກໂນໂລຊີໃຫ້170ກວ່າປະເທດ ບໍລິສັດຫົວເຫວິຍເຂົ້າມາລາວຕັ້ງແຕ່ປີ 1998 ປະຈຸບັນມີພະນັກງານ 200 ກວ່າຄົນ ບໍລິສັດຫົວເຫວິຍສ້າງ 3G ແລະ 4G ຢູ່ລາວ ແລະ ສະໜອງເຄ່ືອງອຸປະກອນ ແລະ ເຕັກໂນໂລຊີໃຫ້ລັດຖະບານ ແລະ ບັນດາບໍລິສັດ. ບໍລິສັດຫົວເຫວິຍຍັງສະໜອງສະມາດໂຟນຢູ່ລາວ

ໃນພິທີຄັ້ງນີ້ໃຫ້ກຽດເຂົ້າຮ່ວມໂດຍ ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ, ເຈົ້າຄອງນະຄອນຫຼວງ,  ທ່ານ Zhao Chenggang ອຸປະທູດ ຂອງສະຖານທູດ ສ.ປ ຈີນ ປະຈຳ ສ.ປ.ປ ລາວ. ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີໂທລະຄົມມະນາຄົມ ແລະ ການສື່ສານ,  ທ່ານ Wang Qihui ທູດເສດຖະກິດ ຂອງສະຖານທູດ ສ.ປ ຈີນ ປະຈຳ ສ.ປ.ປ ລາວ, ທ່ານ ທອງໃສ ຊານໄຊຍະ ລັດຖະມົນຕີຊ່ວຍ ກະຊວງໄປສະນີໂທລະຄົມມະນາຄົມ ແລະ ການສື່ສານ,  ທ່ານ ແຄນທອງ ສິສຸວົງ ຮອງປະທານຄະນະກຳມາທິການຮ່ວມມືລາວ-ຈີນ,  ທ່ານ Zhanglin ປະທານບໍລິສັດຫົວເຫວິຍປະຈໍາ South East Asia ທ່ານ Patrick Zhang ຫົວໜ້າບໍລິສັດຫົວເຫວິຍຢູ່ລາວ.

ບໍລິສັດ Huawei ລາວ ພວກເຮົາໄດ້ເລີ່ມຕົ້ນໃນລາວ ຕັ້ງແຕ່ປີ 1998 ຄຽງຄູ່ກັບການໃຫ້ບໍລິການທາງດ້ານໂທລະຄົມ, ໄດ້ຊ່ວຍເຊື່ອມຕໍ່ພົນລະເມືອງລາວໃນສອງສ່ວນສາມດ້ວຍການສ້າງເຄື່ອຂ່າຍ 3G ແລະ 4G ໃນລາວ ພ້ອມນັ້ນ ບໍລິສັດ Huawei ລາວຍັງໄດ້ຮ່ວມມືກັບລູກຄ້າທີ່ເປັນວິສາຫະກິດຂອງເຮົາ ທີ່ໄດ້ສະໜອງ ແລະ ຕອບໂຈດ ICT ໃນລາວ ເພື່ອການດຳເນີນງານຢ່າງມີປະສິດທິພາບ ເຊັ່ນ ເມືອງແຫ່ງຄວາມປອດໄພ, ການເງິນ, ການຂົນສົ່ງ ແລະ ພະລັງງານດ້ວຍອຸປະກອນ ທີ່ທັນສະໄໝ ແລະ ໂທລະສັບຂອງພວກເຮົາ ພວກເຮົາມີການປັບປຸງດ້ານດິຈິຕອນດ້ວຍປະສົບໃນການເຮັດວຽກໃນຊີວິດ ແລະ ໃນດ້ານຄວາມບັນເທິງ ຈາກທີ່ຜ່ານມາຈົນເຖີງປັດຈຸບັນ ພວກເຮົາມີການຝຶກອົບຮົມ ແລະ ສ້າງຜູ້ຊ່ຽວຊານ ແລະ ວິສະວະກອນ ກວ່າ 2000 ຄົນ ໃນລາວ ແລະ  ໃນປີທີ່ຜ່ານມານັກສຶກສາລາວ ດ້ານ ICT ຈຳນວນ 10 ຄົນໄດ້ເຂົ້າຮ່ວມໂຄງການ Huawei Seeds for the future ໃນປະເທດຈີນ.

ບໍລິສັດ Huawei CSIC ເປັນບໍລິສັດທີ່ມີເຄືອຂ່າຍສາກົນ ທີ່ທຸ້ມເທ ແລະ ມີຫ້ອງທົດລອງທີ່ມີນະວັດຕະກຳທີ່ທັນສະໄໝ ແລະ ມີປະສົບການ ເພື່ອໃຫ້ພາກສ່ວນທີ່ສົນໃຈສາມາດສາມາດສຳພັດ ແລະ ຮຽນຮູ້ ປະສົບການ, ການກວດສອບ, ການແກ້ໄຂບັນຫາດ້ານ ICT ແລະ ການໃຊ້ງານ ການສ້າງຕັ້ງ CSIC ເປັນໜຶ່ງໃນຜົນງານແມ່ນການ ສະໜັບສະໜູນໃນການພັດທະນາລະບົບ ICT ໃນລາວ ຜ່ານ CSIC ພວກເຮົາສາມາດແບ່ງປັນ ການປະຕິບັດ ເຝິກຝົນທີ່ດີທີ່ສຸດໃນໂລກ, ແລກປ່ຽນຄວາມຄິດເຫັນ, ການພັດທະນາ ແລະ ວິທີແກ້ໄຂໃນດ້ານທຸລະກິດ, ຊຸກຍູ້ໃຫ້ລາວເປັນຜູ້ນຳດ້ານລະບົບ ICT. ແລະ ສະໜັບສະໜູນຄວາມສາມາດດ້ານ ICT ໃນທ້ອງຖິ່ນ.

ໃນປັດຈຸບັນພວກເຮົາກຳລັງດຳລົງຊີວິດຢູ່ໃນຍຸກຂອງລະບົບດິຈິຕອນ ICT ມີບົດບາດສຳຄັນຫຼາຍຂຶ້ນໃນລະບົບເສດຖະກິດໃນທົ່ວໂລກ ແລະ ກວ່າ 140 ປະເທດໄດ້ກຳນົດນະໂຍບາຍເພື່ອສົ່ງເສີ່ມການລົງທືນດ້ານ ICT. ໃນຖານະເປັນບໍລິສັດອຸດສາຫະກຳດ້ານ ICT, Huawei ລາວ ເຊື່ອໝັ່ນວ່າພື້ນຖານໂຄງລ່າງຂໍ້ມູນຂ່າວສານລະດັບຊາດ ຕົວຢ່າງເຊັ່ນ Mobile Broadband, Fixed Broadband  ເປັນພື້ນຖານ ແລະ ເປັນສິ່ງສຳຄັນ ຄວນມີການວາງແຜນໃຊ້ງານ ຫຼື ປະຕິບັດກ່ອນ ພື້ນຖານໂຄງລ່າງອື່ນໆ.

ດັ່ງທີ່ພວກເຮົາຮູ້ວ່າ ລາວໄດ້ຖືກຊຸກຍູ້ໃຫ້ເປັນປະເທດເຊື່ອມຕໍ່ ສະນັ້ນ Huawei ລາວ ໃນຖານະທີ່ເປັນຜູ້ໃຫ້ບໍລິການດ້ານ ICT ຊັ້ນນຳທີ່ມີປະສົບການອັນຍາວນານໃນການກໍ່ສ້າງໂຄງສ້າງພື້ນຖານດ້ານ ICT ທີ່ຄຸ້ມຄ່າແລະມີປະສິດທິພາບ Huawei ລາວ ອຸທິດຕົນເພື່ອສະໜັບສະໜຸນລາວເພື່ອໃຫ້ບັນລຸວິໄສທັດ ໃນມື້ນີ້ແມ່ນການເລີ່ມຕົ້ນໃໝ່ ແລະ ພວກເຮົາຈະເຮັດໃຫ້ດີທີ່ສຸດໃນການພັດທະນາລະບົບ ICT ຂອງລາວ.

________

ປະກາດ ຮ່ວມສ້າງຄວາມສຸກສູ່ສັງຄົມລາວ