ຫົວເຫວີຍສືບຕໍ່ສ້າງຄວາມຮ່ວມມືຢ່າງຕໍ່ເນື່ອງ ກັບບໍລິສັດຕ່າງໆ ຫວັງເຖິງການສ້າງສັນຜະລິດຕະພັນໃຫ້ຖືກໃຈລູກຄ້າ ຊຶ່ງຫຼ້າສຸດນີ້ ເປັນເລື່ອງກ່ຽວກັບສີສັນ ດ້ວຍການຮ່ວມມືກັບບໍລິສັດທີ່ມີຊື່ສຽງລະດັບໂລກ Pantone Color Institute ທີ່ເຮັດໜ້າທີ່ເບິ່ງແຍງໂທນສີຂອງຜະລິດຕະພັນຂອງຫົວເຫວີຍ, ບໍ່ວ່າຈະເປັນດ້ານອາລົມ, ການອອກແບບ ລວມເຖິງມາດຕະຖານຂອງສີ. ນອກຈາກນີ້ ຍັງມີການຕິດຕາມ ແລະ ຄາດການເທຣນຂອງສີໃນປັດຈຸບັນ ໄປຈົນເຖິງ ອານາຄົດ.
ຫົວເຫວີຍຍັງບອກອີກວ່າ ເມື່ອມີນະວັດຕະກໍາຕ່າງໆໃນສະມາດໂຟນແລ້ວ, ຮູບແບບພາຍນອກກໍ່ບໍ່ຄວນເບິ່ງຂ້າມ ເພາະໂທນສີປຽບເໝືອນ ຈິດວິນຍານ ແລະ ຄວາມສວຍງາມໜ້າຫຼົງໄຫຼ ໂດຍເມື່ອລວມກັນໄດ້ຢ່າງລົງຕົວແລ້ວ ກໍ່ຈະເຮັດໃຫ້ຜະລິດຕະພັນນັ້ນມີຄວາມໂດດເດັ່ນຂຶ້ນມາໄດ້ຢ່າງແນ່ນອນ ຊຶ່ງກ່າວເພີ່ມຕື່ມວ່າ ບາງຄົນອາດເນັ້ນຄວາມຄຸ້ມຄ່າດ້ານສະເປັກຂອງເຄື່ອງ ຫຼື ບາງກຸ່ມກໍ່ມັກໃນການອອກແບບທີ່ດຶງດູດ ແຕ່ຕອນນີ້ຫົວເຫວີຍໄດ້ຕອບໂຈດໃຫ້ໝົດແລ້ວ.
ສຸດທ້າຍນີ້ ລາຍລະອຽດເພີ່ມຕື່ມຕ່າງໆ Huawei ຈະປະກາດອີກຄັ້ງໃນງານ Mobile World Congress 2017 ໂດຍປະເດັນທີ່ໜ້າສົນໃຈນອກຈາກເລື່ອງນີ້ແລ້ວ ກໍ່ຍັງມີສອງອ້າຍນ້ອງ P10 & P10 Plus
ຂໍ້ມູນຈາກ http://news.siamphone.com/news-29982.html
ປະກາດ ຮ່ວມສ້າງຄວາມສຸກສູ່ສັງຄົມລາວ
