Samsung Galaxy S7 and S7 Edge ຕາມແຜນແລ້ວ ມັນຄວນຈະມີອາຍຸການໃຊ້ງານແບັດເຕີລີໄດ້ຕະຫຼອດວັນ. ແລ້ວ Android 7.0 Nougat ສົ່ງຜົນເສຍຕໍ່ແບັດເຕີລີແທ້ບໍ?
ໂທລະສັບທຸກລຸ້ນທີ່ຜະລິດອອກມາ ແມ່ນຈະຖືກກວດສອບແລ້ວ ກວດສອບອີກ ເພື່ອໃຫ້ໝັ້ນໃຈເຖິງມາດຕະຖານໃນການໃຊ້ງານ. ທັງສອງລຸ້ນນີ້ Galaxy S7 and S7 Edge ກໍ່ໄດ້ຮັບການທົດສອບເຊັ່ນດຽວກັນ, ເຊິ່ງທາງຊໍາຊຸງຄາດວ່າ ຫຼັງຈາກທີ່ໄດ້ຮັບອັບເດດຫຼ້າສຸດຂອງ Google ແລ້ວຈະເຮັດໃຫ້ທຸກຢ່າງດີຂຶ້ນ. ແຕ່ໜ້າເສຍດາຍທີ່ມັນບໍ່ເປັນແບບນັ້ນ ເພາະອາຍຸການໃຊ້ງານແບັດເຕີລີຂອງໂທລະສັບທັງສອງລຸ້ນແມ່ນຫຼຸດລົງໄປເກືອບ 10% ຫຼັງຈາກອັບເດດແລ້ວ. ຕາມຂ່າວຫຼ້າສຸດ ທາງຊໍາຊຸງເອງ ກໍ່ໄດ້ທົດສອບຄືນໃໝ່ອີກຄັ້ງຢ່າງລະມັດລະວັງທີ່ສຸດ ແຕ່ຜົນລັບກໍ່ຍັງເປັນເຊັ່ນເດີມ.
ແທນທີ່ປະສິດທິພາບຂອງແບັດເຕີລີຈະໄດ້ຮັບການອັບເກຣດໃຫ້ດີຂຶ້ນ, ແຕ່ການອັບເດດໃໝ່ຫຼ້າສຸດ ສໍາລັບຕະກູນ S7 ລ້ວນເຮັດໃຫ້ແບັດເຕີລີເຫຼືອໜ້ອຍລົງ. ເຊິ່ງຂ່າວໃໝ່ຫຼ້າສຸດໄດ້ຮັບການຢືນຢັນແລ້ວວ່າມັນເປັນຄວາມຈິງຕາມນັ້ນ ແລະ ຍັງບໍ່ມີຊ່ອງທາງທີ່ບັນຫາດັ່ງກ່າວຈະຫຼຸດລົງໄດ້ເລີຍ. ພວກເຂົາກໍ່ໄດ້ທໍາການທົດສອບແບບພິເສດຄືນໃໝ່ອີກຄັ້ງດ້ວຍຄວາມລະມັດລະວັງໃນເລື່ອງຂອງແບັດເຕີລີ ແຕ່ສຸດທ້າຍກໍ່ບໍ່ມີຫຍັງດີຂຶ້ນເລີຍ.
ຫຼັງຈາກການດຳເນີນການທົດສອບກໍ່ພົບວ່າ Galaxy S7 ທີ່ໄດ້ອັບເດດເປັນ Android Nougat ແລ້ວໄລຍະເວລາໃຊ້ງານກໍ່ຍັງເຫຼືອພຽງ 6 ຊົ່ວໂມງ, ເຊິ່ງກ່ອນໜ້ານັ້ນ ໂທລະສັບລຸ້ນດຽວກັນທີ່ໃຊ້ລະບົບ Android 6 Marshmallow ສາມາດໃຊ້ງານໄດ້ 6 ຊົ່ວໂມງກັບ 37 ນາທີ. ນັ້ນເທົ່າກັບປະສິດທິພາບຫຼຸດລົງໄປ 9.4%. ໃນສ່ວນ Galaxy S7 Edge ເມື່ອອັບເດດເປັນ Android Nougat ແລ້ວ ສາມາດໃຊ້ງານໄດ້ 6 ຊົ່ວໂມງກັບ 35 ນາທີ ເຊິ່ງປຽບທຽບກັບ Android Marshmallow ທີ່ສາມາດໃຊ້ງານໄດ້ເຖິງ 7 ຊົ່ວໂມງ ກັບ 10 ນາທີ. ຖືວ່າປະສິດທິພາບນັ້ນຫຼຸດລົງໄປປະມານ 8.1%.
ຂໍ້ມູນຈາກ http://www.phonearena.com/news/Bad-news-10-worse-battery-life-on-Samsung-Galaxy-S7-and-S7-Edge-after-Android-7.0-Nougat-update_id90859
ປະກາດ ຮ່ວມສ້າງຄວາມສຸກສູ່ສັງຄົມລາວ
