ມະຫາວິທະຍາໄລເເຫ່ງຊາດ, ຄະນະເສດຖະສາດ ເເລະ ບໍລິຫານທຸລະກິດ ມີຂ່າວດີມາເເຈ້ງໃຫ້ນ້ອງນັກສຶກສາ, ພະນັກງານ ເເລະ ອ້າຍເອື້ອຍນ້ອງທຸກທ່ານຊາບວ່າ ຄະນະເສດຖະສາດ ເເລະ ບໍລິຫານທຸລະກິດ ໄດ້ເປີດຮັບສະໝັກນັກສຶກສາລະດັບປະລິນຍາໂທ ສາຂາເສດຖະສາດ ຮຸ່ນ 13 ເເລະ ບໍລິຫານທຸລະກິດ ຮຸ່ນ 12, ການບັນຊີ ຮຸ່ນ 12, ປະຈໍາສົກປີ 2020-2021 ເເລ້ວ. ພະເເນກການສຶກສາຫຼັງປະລິນຍາຕີຂອງຄະນະເສດຖະສາດ ເເລະ ບໍລິຫານທຸລະກິດເລີ່ມໃຫ້ Download ຟອມໄດ້ທີ່ Facebook: FEB-Graduate-Programs ຫຼື ມາຊື້ຟອມໄດ້ໂດຍກົງຢູ່ທີ່ພະເເນກການສຶກສາຫຼັງປະລິນຍາຕີຂອງຄະນະເສດຖະສາດ ເເລະ ບໍລິຫານທຸລະກິດຕາມໂມງລັດຖະການ. ທ່ານສາມາດເລີ່ມ Download ຟອມໄດ້ຕັ້ງເເຕ່ວັນທີ 5 ມີຖຸນາ 2020 ຫາ ວັນທີ 28 ມີຖຸນາ 2020.
ນອກຈາກນີ້, ທ່ານສາມາດສະໝັກລາຍຊື່ເຂົ້າສອບເສັງທາງອອນລາຍຕາມ Link ຂ້າງລຸ່ມນີ້ໄດ້.
Link ສະໝັກເຂົ້າສອບເສັງທາງອອນລາຍ
ຄໍາເເນະນໍາ: ຂັ້ນຕອນ ເເລະ ເອກະສານທີ່ຕ້ອງໄດ້ກະກຽມ
1. ພາຍຫຼັງທີ່ທ່ານສໍາເລັດການສະໝັກຜ່ານທາງອອນລາຍເປັນທີ່ຮຽບຮ້ອຍເເລ້ວ ກະລຸນາໃຫ້ທ່ານເຂົ້າມາຊໍ່າລະ ຫຼື ຈ່າຍຄ່າລົງທະບຽນ (ຄ່າລົງທະບຽນເເມ່ນ 100,000 ກີບ ເເລະ ຄ່າຊອງສະໝັກ 5000ກີບ) ພ້ອມກັນນັ້ນ
2. ໃຫ້ທ່ານນໍາເອົາເອກະສານທີ່ຈໍາເປັນຕ້ອງໄດ້ປະກອບນັ້ນ ມາສົ່ງໃຫ້ພະເເນກຫຼັງປະລິນຍາຕີ, ຄະນະເສດຖະສາດ ເເລະ ບໍລິຫານທຸລະກິດ ເພື່ອເເລກປ່ຽນເອົາບັດເຂົ້າຫ້ອງສອບເສັງຕາມໄລຍະເວລາເປີດຮັບສະໝັກເຂົ້າຮຽນຫຼັກສູດປະລິນຍາໂທ ສົກປີ 2020-2021.
3. ໄລຍະເວລາຄັດຟອມເຂົ້າຮຽນ ເເມ່ນວັນທີ 13-28 ກໍລະກົດ 2020, ເເຈ້ງລາຍຊື່ຜູ້ມີສິດສອບເສັງ ເເມ່ນວັນທີ 31 ກໍລະກົດ 2020. ສໍາລັບການສອບເສັງຂຽນ ເເລະ ສໍາພາດ ເເມ່ນວັນທີ 1 ສິງຫາ 2020 (ວັນສຸກ).
ເອກະສານທີ່ຕ້ອງໄດ້ເອົາມາປະກອບມີດັ່ງຕໍ່ໄປນີ້:
1. ສໍາເນົາໃບປະກາດ 6 ສະບັບ (ກອບປີ້ກາເເດງ)
2. ໃບຄະເເນນ 6 ສະບັບ (ກອບປີ້ກາເເດງ)
(ສໍາລັບຜູ້ທີ່ຈົບຈາກສະຖາບັນການສຶກສາອື່ນທີ່ບໍ່ເເມ່ນມະຫາວິທະຍາໄລເເຫ່ງຊາດ ເເມ່ນໃຫ້ເອົາໃບປະກາດ ເເລະ ໃບຄະເເນນຂອງຕົນເອງໄປຢັ້ງຢືນຈາກກະຊວງສຶກສາ ເເລະ ກີລາ, ກົມກິດຈະກໍາ).
ກໍລະນີ: ຜູ້ທີ່ຮຽນຈົບຫຼັກສູດເເລ້ວ ເເຕ່ວ່າຍັງບໍ່ທັນໄດ້ຮັບໃບປະກາດ ຫຼື ໃບປະກາດຍັງບໍ່ທັນອອກ ເເມ່ນໃຫ້ເອົາໃບຄະເເນນ ເເລະ ໃບຢັ້ງຢືນນັກສຶກສາຈາກສະຖາບັນການສຶກສາທີ່ຕົນຮຽນຢູ່ມາຢັ້ງຢືນ ເພື່ອປະກອບເອກະສານໃຫ້ຄົບຖ້ວນ ຢ່າງລະ 3 ສະບັບ.
3. ໃບຊີວະປະຫວັດຫຍໍ້ (ເປັນເພົາ 4 ໜ້າ) ປະກອບມາເອງ 4 ສະບັບ (ກອບປີ້ກາເເດງ)
4. ໃບຢັ້ງຢືນທີ່ຢູ່ຈໍ້າກາເເດງ 2 ສະບັບ
5. ໃບອະນຸຍາດຈາກກົມກອງ (ກໍລະນີເຮັດວຽກເເລ້ວ) 3 ສະບັບ
6. ຮູບຂະໜາດ 3x4 ບໍ່ໃຫ້ກາຍ 3 ເດືອນ 6 ໃບ.
ໝາຍເຫດ:
1. ເອກະສານທຸກຢ່າງທີ່ປະກອບມາຍືນເເລ້ວ ເເມ່ນບໍ່ສາມາດຖອນຄືນໄດ້.
2. ຖ້າຫາກວ່າທ່ານຕ້ອງການປ່ຽນສາຂາຮຽນໃໝ່ ທ່ານຕ້ອງໄດ້ຕື່ມຂໍ້ມູນທາງອອນລາຍ ເເລະ ເລີ່ມປະກອບເອກະສານຄືນໃໝ່ຕັ້ງເເຕ່ເລີ່ມຕົ້ນຈົນສິ້ນສຸດ ເເລະ ຕ້ອງໄດ້ຈ່າຍຄ່າທໍານຽມຄືນໃໝ່ອີກຄັ້ງ.
ຂອບໃຈ
Link ຂອງ Check List
Form 2 ບັດເຂົ້າຮ້ອງເສັງ
Form 4.ໜັງສືອະນຸມັດກົມກອງdocx
Form 5 ໃບຢັ້ງຢືນທີຢູ່
ເງື່ອນໄຂຜູ້ສະໜັກນັກສຶກສາປ.ໂທ 2
ລະບຽບໃນການສອບເສັງເຂົ້າຄະນະເສດຖະສາດ ເເລະ ບໍລິຫານທຸລະກິດ,
