ເຫດຄົນເສຍຊີວິດທີ່ກ້ອງຂົວ ມີຮອງຮອຍຖືກທໍາຮ້າຍຮ່າງກາຍ
ລາຍງານຈາກໜ່ວຍກູ້ຊີບອົງການກາແດງລາວ ຫຼວງພະບາງ 1625 ໃຫ້ຮູ້ວ່າ
ໃນວັນທີ 10 ມິຖຸນາ 2020 ເວລາ 14:40 ນາທີ ໄດ້ຮັບແຈ້ງເຂົ້າເບີ 0711625 ວ່າມີຄົນເສຍຊີວິດຢູ່ທີ່ ບ້ານ ສັງຄະໂລກ ນະຄອນຫວງພະບາງ ເມື່ອທີມງານຫນ່ວຍກູ້ຊີບອົງການກາແດງລາວ ໄດ້ອອກກວດສອບເຫດພົບເຫັນຜູ້ເສຍຊີວິດ ເພດຊາຍ 01ຄົນ (ສັນຊາດລາວ) ບາດແຜພາຍນອກທີ່ພົບເຫັນ ຜູ້ເສຍຊີວິດມີບາດແຜຈີກໃຫຍ່ຢູ່ຂ້າງຕີນເບື້ອງຊ້າຍ,ມີບາດແຜບວມຊ້ຳຢູ່ຕາມຂໍ່ມືທັງສອງເບື້ອງ .
ຂໍ້ມູນເບື້ອງຕົ້ນຜູ້ເສຍຊີວິດ ຊື່ ທ້າວ ຊູ ອາຍຸ 32 ປີ ບ້ານຢູ່ປັດຈຸບັນ ບ້ານປົ່ງຫວ້ານ ນະຄອນຫລວງພະບາງ ຕາມການບອກເລົ່າຂອງຍາດພີ່ນ້ອງແມ່ນ ຜູ້ເສຍຊີວິດເປັນຄົນເສຍຈິດ ແລະໄດ້ລັກຫນີອອກຈາກເຮືອນໃນຄືນວັນທີ່ 09 ມິຖຸນາ 2020 ສ່ວນສາເຫດຂອງການເສຍຊີວິດແມ່ນຢູ່ໃນການສອບສວນຂອງເຈົ້າຫນ້າທີ່ຕຳຫລວດ.
ດັ່ງນັ້ນທາງທີມງານຫນ່ວຍກູ້ຊີບອົງການກາແດງລາວຈື່ງໄດ້ທຳການຫໍ່ສົບແລ້ວນຳສົ່ງໄປບ້ານຂອງຜູ້ເສຍຊີວິດ.
ທາງທີມງານຫນ່ວຍກູ້ຊີບອົງການກາແດງລາວ ຫລວງພະບາງພວກເຮົາຂໍສະແດງຄວາມເສຍໃຈມາຍັງຍາດຕິພີ່ນ້ອງຜູ້ເສຍຊີວິດ ແລະ ຂໍໃຫ້ດວງວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍເທີ້ນ.
#ພົບເຫັນອຸບັດຕິເຫດ,ເຈັບ- ປ່ວຍ ສຸກເສີນໂທແຈ້ງ ☎️071 1625 ; 030 9211625
#ບໍລິການຟີຣ ຕະຫຼອດ24 ຊົ່ວໂມງ.🚑
🚑ທ່ານໃດຢາກຊ່ວຍເຫລືອຫນ່ວຍງານ ສາມາດບໍລິຈາກເຄື່ອງອຸປະຖຳຕ່າງໆເຊັ່ນ: ເຂົ້າສານ,ອາຫານການກິນ,ນ້ຳມັນລົດ ຫລື ອຸປະກອນການແພດຕ່າງໆສາມາດຕິດຕໍ່ເຂົ້າເບີ 0309211625.
