ໝາກສີດາ ເປັນໝາກໄມ້ທີ່ອຸດົມໄປດ້ວຍວິຕາມິນ ແລະ ແຮ່ທາດຫຼາຍຊະນິດ ໂດຍຈັດເປັນຜົນລະໄມ້ທີ່ມີວິຕາມິນຊີສູງ ກວ່າໝາກກ້ຽງເຖິງ 5 ເທົ່າ.ໝາກສີດາເປັນໝາກໄມ້ເພື່ອສຸຂະພາບ ທີ່ເໝາະສົມສຳລັບຜູ້ທີ່ຕ້ອງການລົດຄວາມອ້ວນ ລົດນ້ຳໜັກ ຫຼື ຜູ້ທີ່ກຳລັງຄວບຄຸມນ້ຳໜັກ ເນື່ອງຈາກວ່າໝາກສີດາອຸດົມໄປດ້ວຍກາກໃຍອາຫານ ເມື່ອຮັບປະທານແລ້ວຈະເຮັດໃຫ້ຮູ້ສຶກອີ່ມດົນ ເພາະກາກໃຍຈະຊ່ວຍຮັກສາລະດັບນ້ຳຕານໃນເລືອດໃຫ້ຄົງທີ່ ຊ່ວຍປັບລະດັບອິນຊູລີນຂອງຮ່າງກາຍໃຫ້ເໝາະສົມ ແລະ ກາກໃຍຊ່ວຍລ້າງສານຜິດໄດ້ອີກດ້ວຍ ແລະ ຊ່ວຍໃຫ້ຜິວພັນຜ່ອງໃສ.
