ຈາກການດຳເນີນທຸລະ ກິດຄວບຄູ່ກັບການຊ່ວຍເຫຼືອ ສັງຄົມຢ່າງຕໍ່ເນື່ອງຂອງທ່ານ ເກຍ ອູ໊ສິດທິເດດ ເຈົ້າຂອງໂຮງ ງານນ້ຳດື່ມ-ນຳກ້ອນໂລມາ ຄຳນັກທຸລະກິດຜູ້ທີ່ມີນ້ຳໃຈ ເສຍສະຫຼະ ແລະເປັນທີ່ຮູ້ຈັກ ກັນດີພາຍໃນແຂວງສະຫວັນ ນະເຂດ ກໍ່ຄືພາຍໃນປະເທດ ຈົນ ທ່ານ ໄດ້ຮັບການຍ້ອງຍໍຊົມເຊີຍ ໃນຂັ້ນຕ່າງໆຢ່າງຫຼວງຫຼາຍ ເຊິ່ງເມື່ອວັນທີ 4 ຕຸລາຜ່ານ ມານີ້, ທ່ານ ເກຍ ອູ໊ສິດທິເດດ ກໍ່ໄດ້ຂຶ້ນໄປຮັບລາງວັນທຸລະ ກິດຂະໜາດນ້ອຍ ແລະກາງ ດີເດັ່ນຂອງອາຊຽນໃນການ ປະກອບສ່ວນຊ່ວຍເຫຼືອສັງຄົມ ແລະເປັນ1 ໃນ16 ຫົວໜ່ວຍ ທຸລະກິດ ທີ່ໄດ້ຮັບລາງວັນອາ ຊຽນດີເດັ່ນຂອງ ສປປ ລາວ ປະຈຳປີ 2019 ທີ່ຈັດຂຶ້ນຢູ່ນະ ຄອນຫຼວງວຽງຈັນ.
ທ່ານ ເກຍ ອູ໊ສິດທິເດດ ໄດ້ ໃຫ້ສຳພາດຕໍ່ນັກຂ່າວໜັງສືພິມພວກເຮົາ ໃນວັນທີ 19 ຕຸລາ 2019 ນີ້ວ່າ: ໃນໄລຍະການດຳ ເນີນທຸລະກິດຫຼາຍສິບປີຜ່ານ ມາ, ທາງໂຮງງງານພວກເຮົາ ກໍ່ໄດ້ມີການປະກອບສ່ວນຊ່ວຍ ເຫຼືອສັງຄົມມາໂດຍຕະຫຼອດ ໂດຍໄດ້ດຳເນີນທຸລະກິດຕິດພັນ ກັບການຊ່ວຍເຫຼືອສັງຄົມ ເຊິ່ງໃນ 3 ປີຜ່ານມານີ້, ໄດ້ມີ ໂອກາດເປັນສ່ວນຮ່ວມນຳອົງການຈັດຕັ້ງພັກ-ລັດ ໃນການ ແກ້ໄຂຄວາມທຸກຍາກຂອງປະ ຊາຊົນຢູ່ບ້ານຄຳປ່າແໜ ແລະ ບ້ານປ່າກ້ວຍ ເມືອງຈຳພອນ ແຂວງສະຫວັນນະເຂດ ເຊິ່ງ ໂຄງການນີ້ ໄດ້ຫັນປ່ຽນຊີວິດຂອງຄອບຄົວທຸກຍາກຢູ່ສອງບ້ານດັ່ງກ່າວຈຳນວນ 111 ກວ່າຄອບຄົວ, 600 ກວ່າຄົນ ໃນນັ້ນ ມີຄອບຄົວຈຳນວນໜຶ່ງ ແມ່ນຍັງຫາກິນແບບເລື່ອນ ລອຍຫາຂໍ ແລະຂາດພື້ນຖານ ໂຄງລ່າງ ໂດຍທາງໂລມາຄຳ ພວກເຮົາ ກໍ່ໄດ້ເຂົ້າມາມີສ່ວນ ຮ່ວມໃນການຈັດສັນທີ່ຢູ່ ອາໄສ, ຈັດສັນພື້ນຖານໂຄງ ລ່າງຕ່າງໆໃຫ້ເຂົາເຈົ້າ ເພື່ອ ຖອຍຫ່າງຈາກການຂໍຫັນສູ່ ອາຊີບຄົງທີ່, ເຊິ່ງຕົນເອງ ແລະທີມງານໄດ້ສຸມທັງທຶນ ຮອນ, ເຫື່ອແຮງ ແລະສະຕິປັນ ຍາພັດທະນາຢ່າງຈິງໃຈ ແລະ ບໍ່ຮູ້ອິດຮູ້ເມື່ອຍຈົນເຮັດໃຫ້ຊີ ວິດການເປັນຢູ່ຂອງປະຊາຊົນ ກວ່າ 100 ຄອບຄົວເປົ້າໝາຍ ປ່ຽນແປງຢ່າງຈະແຈ້ງ, ມີທີ່ ຢູ່ອາໄສຖາວອນ, ມີອາຊີບທີ່ ໝັ້ນຄົງ, ມີຊັບສິນເປັນຂອງຕົນ ເອງ, ມີຊີວິດການເປັນຢູ່ດີຂຶ້ນ ພ້ອມທັງສາມາດເຂົ້າເຖິງການ ສຶກສາ ແລະສາທາລະນະສຸກ ໂດຍທາງໂຮງ ງານນ້ຳດື່ມ-ນ້ຳກ້ອນໂລມາຄຳ ໄດ້ໃຊ້ເງິນ ຂອງທາງໂຮງງານເຂົ້າໃນ ການຈັດຕັ້ງປະຕິບັດໂຄງການ ດັ່ງກ່າວນີ້ຈຳນວນ 15 ຕື້ກວ່າ ກີບ.
ພິເສດ ນອກຈາກລາງວັນ ການປະກອບສ່ວນຊ່ວຍເຫລືອ ສັງຄົມອາຊຽນດີເດັ່ນແລ້ວ, ທາງໂຮງງານນ້ຳດື່ມ-ນ້ຳ ກ້ອນໂລມາຄຳ ຍັງໄດ້ຮັບລາງ ວັນນັກພັດທະນາຊົນນະບົດ ດີເດັ່ນອາຊຽນທີ່ຈະຈັດຂຶ້ນ ທີ່ບາງກອກປະເທດໄທໃນວັນ ທີ 2 ພະຈິກ 2019 ທີ່ຈະເຖິງນີ້. ທ່ານ ເກຍ ອູ໊ສິດທິເດດ ກ່າວໃຫ້ ຮູ້ຕື່ມອີກວ່າ: ສຳລັບວິໄສທັດ ຂອງຕົນເອງໃນການດຳເນີນທຸ ລະກິດ ເພື່ອໃຫ້ມີການພັດທະນາ ແລະກ້າວມາເຖິງຈຸດນີ້ໄດ້ຍ້ອນ ພວກເຮົາ ເນັ້ນພັດທະນາທຸລະ ກິດໃຫ້ຍືນຍົງ, ສິນຄ້າໄດ້ມາດ ຕະຖານ ແລະມີຄຸນະພາບຄຽງ ຄູ່ກັບການປະກອບສ່ວນຊ່ວຍ ເຫລືອສັງຄົມ. ແນວໃດກໍ່ດີການ ໄດ້ຮັບລາງວັນທີ່ຊົງກຽດ ດັ່ງກ່າວເປັນແຮງຊຸກຍູ້ເຮັດ ໃຫ້ຕົນ ແລະຄອບຄົວສືບຕໍ່ດຳ ເນີນທຸລະກິດໃຫ້ຂະຫຍາຍຕົວ ຄຽງຄູ່ກັບການປະກອບສ່ວນ ຊ່ວຍເຫລືອສັງຄົມຕາມທ່າ ແຮງ ແລະເງື່ອນໄຂຕື່ມອີກ ໃນຕໍ່ໜ້າ./.
