ບໍລິສັດເທດດິ້ງລາວ ມະຫາຊົນໄດ້ຮັບອະນຸຍາດ ຈາກລັດຖະບານລາວໃນການສືກສາສຳຫຼວດ ອອກແບບ ແລະ ພັດທະນາໂຄງການ ກໍ່ສ້າງທາງ ລົດໄຟລາວ-ຫວຽດນາມ ໂດຍໄດ້ມີການເຊັນສັນ ຍາບົດບັນທຶກໂຄງການດັ່ງກ່າວກັບກະຊວງໂຍ ທາທິການ ແລະ ຂົນສົ່ງໃນໄລຍະບໍ່ດົນມານີ້. ໂຄງການດັ່ງກ່າວຈະມີຄວາມຍາວປະມານ 240-270 ກິໂລແມັດ, ເບື້ອງຕົ້ນຂອງໂຄງການ ຈະສືກສາເລີ່ມແຕ່ເມືອງທ່າແຂກ ແຂວງຄຳມ່ວນ ຫາ ຊາຍແດນລາວ-ຫວຽດນາມ ຫຼັງຈາກໄດ້ຮັບ ອະນຸຍາດຈາກລັດຖະບານຫວຽດນາມແລ້ວ ຄ່ອຍຈະເລີ່ມສຳຫຼວດແຕ່ຊາຍແດນ ລາວ-ຫວຽດນາມ ໄປຫາທ່າເຮືອວຸງອ່າງ ຊິ່ງຢູ່ເບື້ອງລາວຈະມີໄລຍະທາງປະມານ 150 ກິໂລແມັດ ແລະ ເບື້ອງຫວຽດນາມປະມານ 120 ກິໂລແມັດ ຄາດວ່າຈະສຳເລັດ ການອອກແບບ ແລະ ສະຫຼຸດພາຍໃນ 8 ເດືອນ ຫາ 1 ປີນັບແຕ່ ມື້ເຊັນສັນຍາເປັນຕົ້ນໄປ. ຈາກນັ້ນກໍ່ຈະສະເໜີ ໄປຍັງລັດຖະບານເພື່ອພິຈາລະນາ, ຖ້າໄດ້ຮັບອະ ນຸຍາດໃຫ້ສ້າງ ກໍ່ຈະເລີ່ມລົງມືກໍ່ສ້າງໃນທ້າຍປີ 2021 ແລະ ຈະໃຊ້ເວລາໃນການກໍ່ສ້າງ 3 ປີ ກໍ່ຄືປີ 2024 ໃຫ້ສຳເລັດ.
ທ່ານ ຈັນທອນ ສິດທິໄຊ ປະທານບໍລິສັດເທດ ດິ້ງລາວ ມະຫາຊົນ ໄດ້ກ່າວຕໍ່ສື່ມວນຊົນວ່າ: ຈຸດປະສົງຂອງໂຄງການນີ້ແມ່ນເພື່ອແກ້ໄຂຈຸດ ດ້ອຍທີ່ວ່າປະເທດລາວບໍ່ມີຊາຍແດນຕິດກັບທະເລ ແຕ່ຖ້າມີການເຊື່ອມໂຍງສູ່ທະເລດ້ວຍທາງ ລົດໄຟໂດຍກົງກໍ່ຈະປະຢັດເວລາ ແລະ ປະຢັດ ຕົ້ນທຶນໃນການສົ່ງສິນຄ້າຫຼາຍກວ່າ 50 ສ່ວນ ຮ້ອຍ. ເສັ້ນທາງດັ່ງກ່າວ ຈະເປັນໃບໜ້າອັນ ໃໝ່ໃຫ້ແກ່ ສປປ ລາວ ໃນການສົ່ງສິນຄ້າ ດ້ານອຸດສາຫະກຳ, ກະສິກຳ ແລະ ຈະກາຍເປັນ ທ່າແຮງອັນໜຶ່ງໃນການແຂ່ງຂັນດ້ານການຄ້າ ກັບນາໆປະເທດ.
ທີ່ມາ: ຫນັງສືພິມວຽງຈັນທາມ
