ທ່ານ ວຽງໄຊ ພົມມະຈັນ ກົງສູນໃຫຍ່ແຫ່ງ ສປປ ລາວ ປະຈຳນະຄອນດານັງ ສສ ຫວຽດນາມ ພ້ອມພັນລະຍາ ໄດ້ເຂົ້າພົບປະຢ້ຽມຢາມທ່ານ ສັນຕິພາບ ພົມວິຫານ ກຳມະ ການສູນກາງພັກ ເລຂາພັກ ແຂວງ ເຈົ້າແຂວງສະຫວັນນະ ເຂດ ໃນວັນທີ 7 ສິງຫາຜ່ານ ມານີ້, ທີ່ຫ້ອງຮັບແຂກຫ້ອງວ່າ ການປົກຄອງແຂວງ ເຊິ່ງມີພະ ແນກການກົມກອງກ່ຽວຂ້ອງຂອງແຂວງຈຳນວນໜຶ່ງເຂົ້າ ຮ່ວມຕ້ອນຮັບນຳ.
ໃນໂອກາດນີ້, ທ່ານ ວຽງ ໄຊ ພົມມະຈັນ ກໍ່ໄດ້ກ່າວລາຍ ງານໃຫ້ຮູ້ເຖິງການເຄື່ອນໄຫວ ວຽກງານຂອງກົງສຸນໃຫຍ່ ແຫ່ງ ສປປ ລາວ ປະຈຳນະ ຄອນດານັງທີ່ມີຂອບເຂດ ຄວາມຮັບຜິດຊອບກວ້າງ ຂວາງສົມຄວນ ຄືກວມເອົາ 11 ແຂວງ ແລະທ່ານກໍ່ຍັງໄດ້ໃຫ້ຮູ້ ເຖິງສະພາບການຕ່າງໆພາຍ ໃນນະຄອນດານັງ ກໍ່ຄືບັນດາ ແຂວງໃນຂອບເຂດຄວາມຮັບ ຜິດຊອບ ພ້ອມນີ້, ທ່ານ ກໍ່ໄດ້ ຂໍທິດຊີ້ນຳຈາກການນຳຂັ້ນສູງຂອງແຂວງສະຫວັນນະ ເຂດ
ຊຶ່ງເປັນແຂວງທີ່ມີຊາຍ ແດນຕິດຈອດກັບ ສສ ຫວຽດ ນາມ ແລະມີການພົວພັນຮ່ວມມືທີ່ດີ
ກັບບັນດາແຂວງຕ່າງໆ ຂອງ ສສ ຫວຽດນາມ ໂດຍ ສະເພາະແຂວງພາກາງ ແລະ ພາກໃຕ້
ເພື່ອນຳເອົາທິດຊີ້ນຳ ຈາກທ່ານເຈົ້າແຂວງສະຫວັນ ນະເຂດ ໄປຜັນຂະຫຍາຍເຂົ້າ ໃນການຈັດຕັ້ງປະຕິບັດວຽກງານຂອງຕົນ ທັງເປັນການຊຸກ ຍູ້ໃຫ້ແກ່ການຮ່ວມມືລະຫວ່າງ ແຂວງສະຫວັນນະເຂດກັບ ບັນດາແຂວງຂອງ ສສ ຫວຽດ ນາມ ໃຫ້ສືບຕໍ່ມີຜົນສຳເລັດດີ ຂຶ້ນເທື່ອລະກ້າວ.
ໂອກາດນີ້, ທ່ານເຈົ້າແຂວງ ສະຫວັນນະເຂດ ກໍ່ໄດ້ກ່າວສະ ແດງຄວາມຕ້ອນຮັບ ພ້ອມ ທັງໄດ້ລາຍງານເຖິງການພົວ ພັນຮ່ວມມືລະຫວ່າງແຂວງ ສະຫວັນນະເຂດກັບບັນດາ ແຂວງພາກກາງ ແລະພາກ ໃຕ້ສ່ວນໜຶ່ງຂອງ ສສ ຫວຽດ ນາມ ໃນໄລຍະຜ່ານມາ, ຊຶ່ງກໍ່ ໄດ້ມີຜົນສຳເລັດໃນຫຼາຍດ້ານ ຈາກນີ້, ທ່ານ ສັນຕິພາບ ພົມ ວິຫານ
ກໍ່ໄດ້ສະເໜີໃຫ້ທ່ານ ກົງສຸນໃຫຍ່ ແຫ່ງ ສປປ ລາວ ທີ່ປະຈຳຢູ່ນະຄອນດານັງ ຊອກ ຮູ້ທ່າແຮງຂອງແຕ່ລະແຂວງ
ວ່າມີຫຍັງແດ່? ແລະກໍ່ໄດ້ ຮຽກຮ້ອງໃຫ້ທ່ານກົງສຸນ ຊ່ວຍດຶງດູດເອົາການລົງທຶນ ຂອງ ສສ ຫວຽດນາມ
ທີ່ເປັນ ການລົງທຶນທີ່ເປັນຕົວແບບທີ່ດີ ແລະມີມາດຕະການ ໂດຍສະ ເພາະແມ່ນທາງດ້ານກະສິກຳ
ເຊິ່ງດັ່ງທີ່ຮູ້ວ່າແຂວງສະຫວັນ ນະເຂດພວກເຮົາມີທ່າແຮງ ດ້ານນີ້ຫຼາຍ ສະນັ້ນ, ຖ້າວ່າ ມີການລົງທຶນທີ່ດີນຳພາ
ປະຊາຊົນທຳການຜະລິດກະສິກຳ ໂດຍສະເພາະແມ່ນການປູກພືດ ຜັກປອດສານພິດ ທີ່ຕະຫຼາດ ຕ່າງປະເທດມີຄວາມຕ້ອງ ການ ສູງ ໂດຍໃຫ້ມີການແນະນຳ ດ້ານເຕັກນິກວິຊາການແກ່ເຂົາ ເຈົ້າ ເຊິ່ງກໍ່ຈະເປັນເງື່ອນໄຂໜຶ່ງ ທີ່ຈະເຮັດໃຫ້ປະຊາຊົນບັນດາ ເຜົ່າພວກເຮົາມີຫລາຍຮັບເພີ່ມ ຂຶ້ນອີກທັງຍັັງເປັນການລົງທຶນທີ່ ຕ່າງຝ່າຍຕ່າງໄດ້ຜົນປະໂຫຍດ ແລະມີທ່າກ້າວດີຂຶ້ນກວ່າເກົ່າ./.
