ສະຫະພັນແມ່ຍິງແຂວງ ສ້າງຂະບວນການຍ່າງເພື່ອສຸຂະພາບ ຕ້ອນຮັບວັນສ້າງຕັ້ງສະຫະພັນແມ່ຍິງລາວ ຄົບຮອບ 64 ປີ

ເນື່ອງໃນໂອກາດວັນສ້າງ ຕັ້ງສະຫະພັນແມ່ຍິງລາວຄົບ ຮອບ 64 ປີ (20/7/1955 – 20/7/2019)
ທີ່ໝູນວຽນມາບັນຈົບຄົບຮອບອີກວາລະໜຶ່ງ, ດັ່ງນັ້ນ ໃນຕອນເຊົ້າຂອງວັນທີ 19 ກໍລະກົດ 2019 ນີ້, 

ສະຫະພັນແມ່ຍິງແຂວງສະ ຫວັນນະເຂດ ຈຶ່ງໄດ້ສ້າງຂະ ບວນການຍ່າງເພື່ອສຸຂະພາບ ຂຶ້ນຢູ່ທີ່ເດີ່ນຂອງຫ້ອງວ່າການ ປົກຄອງແຂວງສະຫວັນນະ ເຂດ ເພື່ອລະນຶກເຖິງ ແລະ ເຊີດຊູບົດບາດແມ່ຍິງທີ່ໄດ້ສຸມ ເຫື່ອແຮງສະຕິປັນຍາໃສ່ທຸກວຽກງານຄຽງຂ້າງເພດຊາຍ
ປະ​ກອບ​ສ່ວນເຂົ້າໃນວຽກງານ ການປົກປັກຮັກສາ ແລະສ້າງສາ ປະ ເທດຊາດຕະຫຼອດມາ.
ການ ຍ່າງເພື່ອສຸຂະພາບໃນຄັ້ງນີ້ ເປັນກຽດເຂົ້າຮ່ວມ ແລະນໍາ ພາໂດຍທ່ານ ສັນຕິພາບ ພົມ ວິຫານ ກຳມະການ ສູນ ກາງພັກ ເລຂາພັກແຂວງ ເຈົ້າແຂວງ ສະຫວັນນະເຂດ, ທ່ານ ນາງ ສີສະຫວັດ ໂຄດທະວົງສາ ກໍາ ມະການພັກແຂວງ ປະທານ ສະຫະພັນແມ່ຍິງແຂວງ ພ້ອມ ດ້ວຍກ້ອນກຳລັງ ຈາກພາກ ສ່ວນຕ່າງໆອ້ອມຂ້າງແຂວງ ຮ່ວມກັນຍ່າງເພື່ອສຸຂະພາບໃນຄັ້ງນີ້. 

ໃນໂອກາດນີ້, ທ່ານ ນາງ ສີສະຫວັດ ໂຄດທະວົງສາ ກໍ່ ໄດ້ກ່າວວ່າ: ໃນບັນຍາກາດທີ່ມີ ຄວາມໝາຍຄວາມສໍາຄັນນີ້, ສະຫະພັນແມ່ຍິງແຂວງຂອງ ພວກເຮົາ ກໍ່ໄດ້ເອົາໃຈໃສ່ໃນການຊີ້ນໍາໆພາສຶກສາອົບຮົມ, ສ້າງ ທຸກເງື່ອນໄຂໃຫ້ແມ່ຍິງແຂວງ ທຸກພາກສ່ວນໄດ້ຮັບການພັດ ທະນາໃນທຸກດ້ານ, ປຸກລະດົມ ຂົນຂວາຍກໍາລັງແຮງຈາກ ແມ່ຍິງທຸກພາກສ່ວນສຸມໃສ່ປະ ຕິບັດວຽກງານປົກປັກຮັກສາ ແລະສ້າງສາປະເທດຊາດໄປ ຮ່ວມກັບເພດຊາຍ ເພື່ອໃຫ້ ປະ ຊາດຂອງພວກ ເຮົາໄດ້ຮັບການ ພັດທະນາຂຶ້ນໄປເລື້ອຍໆ./.