ນະຄອນຫຼວງວຽງຈັນ: ລາຍງານຈາກ 1623 ໃຫ້ຮູ້ວ່າ ວັນທີ 26/06/2019 ເວລາ 08:29 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີ 1623 ວ່າມີເຫດລົດຈັກຕໍາຄົນຍ່າງ, ຈຸດເກີດເຫດແມ່ນເສັ້ນທາງ 450 ປີ ໜ້າສູນກາງກຳມະບານລາວ, ບ້ານສະພັງເມິກ ເມືອງໄຊທານີ ນະຄອນຫຼວງວຽງຈັນ.
ພໍໜ່ວຍກູ້ໄພອອກກວດສອບໄດ້ພົບຜູ້ເສຍຊີວິດຈຳນວນ 1ຄົນ, ເພດຊາຍ, ໄວກາງຄົນ, ສູງປະມານ 1.60 m (ບໍ່ມີຂໍ້ມູນກ່ຽວກັບຜູ້ເສຍຊີວິດ) ອາການເບື້ອງຕົ້ນແມ່ນນອນບໍ່ໄດ້ສະຕິ ແລະ ມີບາດແຜຕາມຕົນໂຕ.
ດັ່ງນັ້ນ, ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ຈຶ່ງໄດ້ປະຖົມພະຍາບານຂັ້ນຕົ້ນໃຫ້ແກ່ຜູ້ບາດເຈັບ ແລະ ທຳການເຊີດຊູຫົວໃຈ CPR, ແຕ່ບໍ່ສາມາດກູ້ຊີວິດຂອງຜູ້ກ່ຽວໄດ້. ທາງໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ຂໍສະແດງຄວາມເສຍໃຈນຳພີ່ນ້ອງຜູ້ເສຍຊີວິດ ແລະ ເຫດການຄັ້ງນີ້.
ສ່ວນສົບຂອງຜູ້ກ່ຽວແມ່ນທາງເຮົາໄດ້ນຳສົ່ງໄປຫ້ອງເຢັນມູນນິທິຈີນ, ຖ້າໃຜແມ່ນພີ່ນ້ອງສາມາດຕິດຕໍ່ສອບຖາມຂໍ້ມູນໄດ້ທີ່ເບີ 1623.
ຂໍອານຸຍາດ ລົງຮູບຜູ່ເສຍຊີວິດເພື່ອຕາມຫາຍາດພີ່ນ້ອງ
