ປະກາດ ຊອກຫາແມ່ ແລະ ພໍ່ ໄດ້ຫາຍໂຕໄປເປັນເວລາ 1 ເດືອນ ແລ້ວ

ປະກາດ ຊອກຫາແມ່ ແລະ ພໍ່ ໄດ້ຫາຍໂຕໄປເປັນເວລາ 1 ເດືອນ ແລ້ວ.
ຊື່ແມ່ ນາງ ສົມພະວຽງ ປະພັດສະລາງ ອາຍຸ 60 ປີ ຢູ່ບ້ານ ແສງສະຫວ່າງ ເມືອງໄຊເສດຖາ ນະຄອນຫລວງວຽງຈັນ ໄດ້ຫາຍໂຕໄປແຕ່ ວັນທີ 14/5/2019 ເວລາ 12:30 ຕອນທຽງ ເຫັນຄັ້ງສຸດທ້າຍແມ່ນຢູ່ຫນ້າຫ້ອງການບ້ານວັດຈັນ ເມືອງ ຈັນທະບູລີ ນະຄອນຫລວງວຽງຈັນ ຜູ້ກ່ຽວແມ່ນໃສ່ເສື້ອຝາຍລາວຕາກະໂລ້ລາຍສີແດງຊໍ້າປົນສີດໍາ ໃສ່ສິນໄຫມ່ສີດໍາ ແລະ ແວ່ນຕາກັນແດດ.

ຊື່ພໍ່ ທ້າວ ຈັນທະຄາດ ປະພັດສະລາງ ອາຍຸ 65 ປີ ຢູ່ບ້ານແສງສະຫວ່າງ ເມືອງໄຊເສດຖາ ນະຄອນຫລວງວຽງຈັນ ໄດ້ຫາຍໂຕໄປໃນວັນທີ 14/5/2019 ເວລາ 20:10 ຕອນແລງ ເຫັນຄັ້ງສຸດທ້າຍແມ່ນຢູ່ ຄລິນິກ ແຫ່ງນຶ່ງ ທີ່ຂຶ້ນກັບໂຮງຫມໍມະໂຫສົດ ທີບ້ານດົງປະລານ ເມືອງ ສີສັດຕະນາກ ຜູ້ກ່ຽວແມ່ນ ໃສ່ເສື້ອຄໍເຊີດລາຍສີນໍ້າຕານປົນສີຂຽວຫົງເປັດຜູ້ກ່ຽວແມ່ນໄດ້ຖືກຫລານຊາຍແລະຫລານສາວ( ລູກ ເອື້ອຍ ຜູ້ກ່ຽວ ) ໄດ້ຍາດແຍງອອກໄປຕອນກຳລັງປິ່ນປົວເຊິ່ງຢູ່ໃນການຄຸ້ມຄອງຂອງທ່ານຫມໍຂ້າພະເຈົ້າແລະ ສາມີ ຮອດປັດຈຸບັນ ຂ້າພະເຈົ້າຍັງບໍ່ສາມາດ ຕິດຕໍ່ພວກຍາດທາງນັ້ນໄດ້ພ້ອມທັງພວກກ່ຽວບໍ່ມີການສົ່ງຂ່າວມາອີກ .

ໃນນາມຂ້າພະເຈົ້າເປັນລູກຄົນດຽວຂອງພໍ່ແມ່ ຂ້າພະເຈົ້າໄດ້ເຮັດທຸກວິທີທາງທາງດ້ານກົດຫມາຍເພື່ອນຳພໍ່ແມ່ກັບບ້ານແຕ່ກໍ່ຍັງບໍ່ພົບເບາະແສຫຍັງ ຂ້າພະເຈົ້າຮູ້ສຶກເປັນຫ່ວງເປັນໃຍທີ່ສຸດ ເພາະພໍ່ແມ່ບໍ່ເຄີຍຂາດການຕິດຕໍ່, ສົ່ງຂ່າວ ແລະ ຈາກບ້ານເຮືອນໄປດົນແບບນີ້.

ຖ້າມີຄົນພົບເຫັນຫລື ມີເບາະແສ ຫຍັງ ແມ່ນ ໃຫ້ຕິດຕໍ່ ນາງ ສົມພະຈັນ ປະພັດສະລາງ ( ຂ້າພະເຈົ້າ ລູກຄົນດຽວຂອງພໍ່ແມ່) ອາໃສຢູ່ບ້ານ ແສງສະຫວ່າງ ເມືອງໄຊເສດຖາ ນະຄອນຫລວງ ອາຊີບ ລັດຖະກອນ
 ເບີໂທ 020-5880-2882
030-5600002

ປະກາດໂດຍ: Savansone Phatammavong




_______
ປະກາດ Pakaad: ຮຽນຮູ້, ແບ່ງປັນ, ສ້າງສັນສັງຄົມ
ຢ່າລືມກົດຕິດຕາມແຟນເພຈ ປະກາດ Pakaad ເພື່ອໄດ້ຮັບຂ່າວສານ ແລະ ສາລະໜ້າຮູ້

ຫາກທ່ານພົບເຫັນຂໍ້ມູນຂ່າວບໍ່ຖືກຕ້ອງ ຫຼື ທ່ານຕ້ອງການສົ່ງຂ່າວຫາທີມງານປະກາດ
ສາມາດສົ່ງໄປທາງຂໍ້ຄວາມ ໄປທີ່ m.me/Pakaad

ພິເສດ: ເປັນກໍາລັງໃຈໃຫ້ທີມງານພວກເຮົາ ພຽງແຕ່ທ່ານກົດອ່ານໂຄສະນາ ທີ່ປະກົດຢູ່ດ້ານລຸ່ມ