ສະຫວັນນະເຂດ: ລາຍງານຈາກ ປະຊາຊົນ ເມືອງວິລະບູລີ ໃຫ້ຮູ້ ໃນຕອນເຊົ້າ ວັນທີ 16 ກັນຍາ 2017 ນີ້ວ່າ ຜົນກະທົບ ຈາກພາຍຸ ດອກສຸຣີ ໄດ້ເຮັດໃຫ້ເກີດນໍ້າຖ້ວມ ໃນຫຼາຍເຂດຂອງເມືອງ ໂດຍສະເພາະ ແມ່ນ ເຂດໃກ້ກັບ ບໍ່ຄໍາເຊໂປນ.
ລາຍງານໃຫ້ຮູ້ວ່າ ຝົນແມ່ນຕົກແຕ່ເຊົ້າວັນທີ 15 ກັນຍາ 2017 ແລະ ຕົກໜັກ ເຮັດແມ່ນນໍ້າເຊກອກ ເພີ່ມປະລະມານຢ່າງໄວວາ ສົ່ງຜົນໃຫ້ລະດັບນໍ້າໃນບາງເຂດ ແມ່ນສູງເຖິງ 12 ແມັດ ເຊິງ ເຮັດໃຫ້ຫຼາຍເຂດ ແມ່ນການສັນຈອນຕັດຂາດ. ຍັງບໍ່ທັນມີລາຍງານ ເຖິງຄວາມເສຍຫາຍ ເຊິ່ງ ທາງເມືອງແມ່ນກໍາລັງ ເລັ່ງສຳຫຼວດ ຜົນກະທົບຈາກ ພາຍຸໃນຄັ້ງນີ້.
ໃນຕອນເຊົ້າ ວັນທີ 16 ກັນຍາ 2017 ແມ່ນແດດອອກແລ້ວ ແລະ ຫວັງວ່າ ລະດັບນໍ້າຈະລຸດລົງໄວໆນີ້.
ພາບແລະຂ່າວ: ປະຊາຊົນ ເມືອງວິລະບູລີ
ປະກາດ ຮ່ວມສ້າງຄວາມສຸກສູ່ສັງຄົມລາວ
