ພິທີມອບປ້ຳນ້ຳມັນທີ່ທັນ ສະໄໝໃຫ້ແກ່ວິທະຍາຄານພະ ລາທິການກອງທັບ ໄດ້ຈັດຂຶ້ນໃນ ຕອນເຊົ້າ ວັນທີ 6 ກັນຍາ 2017 ນີ້, ໂດຍການເຂົ້າຮ່ວມເປັນປະ ທານຂອງພັນເອກ ສົມໃຈ ເພັດ ທະວົງສີ ຄະນະພັກ ອົງການກົມ ໃຫຍ່, ຫົວໜ້າກົມນ້ຳມັນເຊື້ອໄຟ ກົມໃຫຍ່ພະລາທິການກອງທັບ ເຊິ່ງມີປະທານ ບໍລິສັດ PP ກໍ່ສ້າງຈຳກັດ, ມີຄະນະພັກ-ຄະນະອຳນວຍການ, ຄະນະພັກ-ຄະນະບັນຊາ 6 ຫ້ອງ 2 ກອງພັນ ແລະ ພະນັກງານທີ່ກ່ຽວຂ້ອງໃນວິທະ ຍາ ຄານເຂົ້າຮ່ວມ.
ທ່ານ ພອນຈັນ ເພັງສຸວັນ ປະທານບໍລິສັດ PP ກໍ່ສ້າງຈຳ ກັດຜູ້ຮັບເໝົາກໍ່ສ້າງ ໄດ້ຊີ້ແຈ້ງ ໃຫ້ຮູ້ວ່າ: ການກໍ່ສ້າງ ປ້ຳນ້ຳມັນ ດັ່ງກ່າວໃຊ້ເວລາ 4 ເດືອນກວ່າ ຈຶ່ງຈະສຳເລັດຕາມແຜນການ, ປໍ້ານໍ້າມັນ ໃໝ່ນີ້ມີຂະໜາດ 9X4
ແມັດ, ມີ 2 ແທ່ງບັນຈຸນໍ້າມັນໄດ້ ທັງໝົດ 20.000 ລິດ, ໃນນີ້ກາ ຊວນ 10.000 ລິດ, ແອັດຊັງ 10.000 ລິດ, ໂດຍໃຊ້ 1 ຫົວ ປໍ້າສາມາດເບີກຈ່າຍໄດ້ 2 ລະ ບົບ (ແອັດຊັງ ແລະ ກາຊວນ)ລວມມູນຄ່າກໍ່ສ້າງທັງໝົດ 249.095.607 ກີບ, ໂດຍແມ່ນ ກົມນ້ຳມັນເຊື້ອໄຟກົມໃຫຍ່ພະລາ ທິການກອງທັບ ເປັນເຈົ້າຂອງ ໂຄງການດັ່ງກ່າວ ແລະ ກ່າວ ມອບໃຫ້ເຈົ້າຂອງໂຄງການ ຕາມສັນຍາທີ່ໄດ້ເຊັນກັນເອົາໄວ້. ຈາກນັ້ນ ກໍໄດ້ມອບຕໍ່ໃຫ້ຄະນະ ພັກ-ຄະນະອຳນວຍການວິທະ ຍາຄານພະລາທິການກອງທັບ ເປັນຜູ້ຄຸ້ມຄອງນຳ ໃຊ້ຕົວຈິງ.
ໂອກາດນີ້ ພັນເອກ ຕີເບດ ສີແພງຄູນ ຄະນະພັກ-ຄະນະ ອຳນວຍການ, ຫົວໜ້າຫ້ອງພະ ລາທິການ ວພກ ໄດ້ກ່າວສະແດງ ຄວາມຂອບໃຈຕໍ່ການຈັດຕັ້ງຂັ້ນ ເທິງທີ່ເຫັນໄດ້ບົດບາດຄວາມສຳ ຄັນຂອງວຽກງານຮັບໃຊ້ດ້ານ ນ້ຳມັນເຊື້ອໄຟຕໍ່ການຮັບໃຊ້ ໜ້າທີ່ການເມືອງ ຂອງກົມກອງຈິ່ຶງ ໄດ້ລົງທຶນກໍ່ສ້າງປໍ້ານໍ້າມັນດັ່ງກ່າວໃຫ້ແກ່ກົມກອງໃຫ້ມີ ຄວາມຮັບປະກັນດີ ແລະ ບັນລຸໄດ້ຕາມທິດ, ຕາມແບບແຜນທັນສະໄໝພ້ອມ ທັງຢືນຢັນວ່າຈະເອົາໃຈໃສ່ຊີ້ ນຳ-ນຳພາພະແນກການກ່ຽວຂ້ອງ, ຄຸ້ມຄອງຮັກສາໃຫ້ດີ ແລະ ນຳໃຊ້ໃຫ້ຖືກຕ້ອງ ຕາມທິດໃຫ້ມີປະສິດທິຜົນ ແລະ ນຳໃຊ້ໄດ້ຍາວນານ.
ໂດຍ: ຈິນດາ ແກ້ວວົງກົດ
________
ປະກາດ ຮ່ວມສ້າງຄວາມສຸກສູ່ສັງຄົມລາວ
