ລັດຖະບານ​ແຫ່ງ ສປປລາວ ກຳນົດຄາດໝາຍ ເພື່ອບຸກທະລຸໃຫ້ໄດ້ດຸນການຄ້າ 370 ລ້ານໂດລາສະຫະລັດພາຍໃນປີ 2018

ລັດຖະບານ​ແຫ່ງ ສປປລາວ ກຳນົດຄາດໝາຍ ເພື່ອບຸກທະລຸໃຫ້ໄດ້ດຸນການຄ້າ 370 ລ້ານ ໂດລາສະຫະລັດ ພາຍໃນປີ 2018" (20 ກັນຍາ 2017 ນະຄອນຫຼວງວຽງຈັນ ສປປລາວ)

1. ຄາດ​ຄະ​ເນ​ຈາກ​ປັດ​ໄຈ​ຕ່າງໆທີ່ຈະ​ເຮັດ​ໃຫ້ການ​ສົ່ງ​ອອກ​ຂອງ​ປະ​ເທດ​ຕົນ​ເພີ່ມ​ຂຶ້ນອີກ, ໂດຍ​ໃນ​ປີໜ້າ​ຈະ​ບັນລຸ​ດຸນການຄ້າ 370 ລ້ານ​ໂດ​ລາ​ສະຫະລັດ;
2.  ໄຟຟ້າພະລັງງານນໍ້າຕົກແມ່ນ​ໜຶ່ງ​ໃນ​ປັດ​ໄຈ​ຕ່າງໆ​ທີ່ຊຸກ​ດັນ​ໃຫ້ການ​ສົ່ງ​ອອກ​ເພີ່ມ​ຂຶ້ນ,ຂະນະ​ທີ່​ 06 ​ເດືອນ​ຕົ້ນປີ​ 2017 ກໍ​ບັນລຸມູນ​ຄ່າການ​ສົ່ງ​ອອກ 2 ຕື້ 378 ລ້ານ​ໂດ​ລາ​ສະຫະລັດ ແລະ ມູນ​ຄ່າການນຳ​ເຂົ້າກໍ​ບັນລຸ 2 ຕື້ 336 ລ້ານ​ໂດ​ລາ​ສະຫະລັດ;
3.  ຄາດ​ວ່າພາຍໃນປີ 2017, ສປປລາວ​ ຈະບັນລຸໄດ້ຍອດ​ມູນ​ຄ່າ​ການ​ສົ່ງ​ອອກ 4 ຕື້ 450 ລ້ານ​ໂດ​ລາ​ສະຫະລັດ, ສ່ວນ​ການ​ນຳ​ເຂົ້າຈະ​ບັນລຸ 4 ຕື້ 480 ລ້ານ​ໂດ​ລາ​ສະຫະລັດ ແລະ ຈະ​ເສຍດຸນການ​ຄ້າ 30 ລ້ານ​ໂດ​ລາ​ສະຫະລັດ;
4. ນັກ​ເສດຖະສາດຕ່າງໆ ໄດ້ໃຫ້ທັດສະນະວ່າ ລັດຖະບານແຫ່ງ ສປປລາວ ຕ້ອງໄດ້ມີການ​ປັບປຸງ​ສະພາບ​ແວດ​ລ້ອມ​ການ​ລົງທຶນ​ໃຫ້​ດີ​ຂຶ້ນຕື່ມ​ອີກ, ເພື່ອ​ດຶງ​ດູດ​ການ​ລົງທຶນ​ຈາກ​ຕ່າງປະ​ເທດ ​ແລະ ພັດທະນາ​ຂະ​ແໜງ​ການ​ສົ່ງ​ອອກ, ໂດຍວິໄສທັດໃນໄລຍະຍາວແລ້ວ ຈະ​ມີ​ຜົນ​ດີ​ຕໍ່​ເສດຖະກິດ ແລະ ສາມາດກ້າວເຂົ້າສູ່ການໄດ້ດຸນການຄ້າ

 . ໂດຍ: ສຸຣິດົງ ສຳນັກຂ່າວສານປະເທດລາວ


________

ປະກາດ ຮ່ວມສ້າງຄວາມສຸກສູ່ສັງຄົມລາວ