ນັກຕີດອກປີກໄກ່ລາວ ຄວ້າແຊ້ມ ລາຍການຄູ່ຊາຍ ການແຂ່ງຂັນ Astec Udonthani-Thonburi International 2017

ສະຫະພັນດອກປີກໄກ່ແຫ່ງຊາດລາວ ຂໍແຈ້ງຂ່າວ ແລະ ສະແດງຄວາມຍິນດີ ກັບນັກກິລາ ແລະ ຄະນະຄູຝຶກ ທີ່ໄດ້ນຳນັກກິລາລາວເຂົ້າຮ່ວມການແຂ່ງຂັນດອກປີກໄກ່ ລາຍການ Astec Udonthani-Thonburi International 2017 ທີ່ຈັງຫວັດອຸດອນ ປະເທດໄທ ເຊິ່ງຄັ້ງນີ້ ນັກກິລາໄດ້ສ້າງຜົນງານດີເກີນຄາດຄື:

ປະເພດຄູ່ຊາຍ ລຸ້ນອາຍຸບໍ່ເກີນ 19 ປີ  ທ້າວ ດາວມີໄຊ ວໍລະສິງ ແລະ ທ້າວ ຣາຊະວົງ ພິຈິດ ໄດ້ຊະນະເລີດທີ 1. ແລະ  ປະເພດຄູ່ປະສົມ ລຸ້ນອາຍຸບໍ່ເກີນ 19 ປີ ທ້າວ ເກດຕິຍະ ແກ້ວໄຊ ແລະ ນາງ ອອນລີທູ ພວງມາລາ ໄດ້ອັນດັບ 3.

ຂໍສະແດງຄວາມດີໃຈ ແລະ ຊົມເຊີຍມາຍັງຜົນງານທີ່ນັກກິລາດອກປີກໄກ່ລາວ ລຸ້ນສືບທອດ ທີ່ສາມາດຍາດມາໄດ້ໃນຄັ້ງນີ້. ຝາກເຖິງພໍ່ແມ່ພີ່ນ້ອງຫມູ່ເພື່ອນ ລວມ ເຖິງແຟນດອກປີກໄກ່ລາວທຸກຄົນ ໃຫ້ກຳລັງໃຈພວກເຂົາຕໍ່ໄປເລື້ອຍໆດ້ວຍ.

ພາບແລະຂ່າວ: ສະຫະພັນດອກປີກໄກ່ແຫ່ງຊາດລາວ

________

ປະກາດ ຮ່ວມສ້າງຄວາມສຸກສູ່ສັງຄົມລາວ