ເມື່ອງເວົ້າເຖິງ ວັດຊຽງຄວນ ທີ່ຊາວຕ່າງປະເທດເອືິນວ່າ Buddha Park ສ່ວນທີ່ມີພຣະພຸດທະຮູບອົງໃຫຍ່ທີ່ສຸດ ໃນປະເທດລາວ ກໍ່ວ່າໄດ້. ທີ່ໄດ້ກາຍເປັນ ແລນມາກ ຫຼື ຈຸດໝາຍຂອງປາຍທາງ ທີ່ນັກທ່ອງທ່ຽວ ເວລາມາຮອດ ນະຄອນຫຼວງວຽງຈັນ ຕ້ອງໄດ້ພາກັນໄປຢ້ຽມຊົມ ຄວາມງົດງາມ ຂອງສະຖາປັດຕະຍະກຳ ການປັ້ນການຫຼໍ່ ທີ່ຖືໄດ້ວ່າ ງົດງາມ ແລະ ອາລັງການ.
ໃນບົດຄວາມນີ້ ທີມງານ ປະກາດ ຈະບໍ່ໄດ້ນຳສະເໜີ ເລື່ອງລາວ ຂອງວັດຊຽງຄວນຫຼາຍ, ແຕ່ຢາກໃຫ້ຮູ້ວ່າ ບຸກຄົນສຳຄັນ ທີ່ເປັນຜູ່ສ້າງ ແລະ ນຳພາສ້າງສວນ ວັດຊຽງຄວນແຫ່ງນີ້.
ຊາຍຜູ່ເກີດໂດຍມີອາຍຸໃນຄັນແຕ່ 7 ເດືອນ, ລ້ຽງຍາກ,ຈົນຕ້ອງໄດ້ປ່ຽນຊື່. ໄປເປັນລູກລ້ຽງຂອງເອື້ອຍ ແລະ ກັບມາຢູ່ກັບ ພໍ່ແມ່ຄີງ. ແຕ່ຊາຍຄົນນີ້ ແມ່ນເຕັມລົ້ນໄປດ້ວຍຈິດໃຈອັນດີງາມ, ແລະ ໄດ້ສ້າງສັນຜົນງານທີ່ກາຍເປັນມໍລະດົກ ປະໄວ້ໃຫ້ລູກຫຼານໄດ້ຊື່ນຊົມ.
ຊາຍທີ່ເປັນ ຜູ່ລິເລີມການສ້າງ ສວນວັດຊຽງຄວນ ມີຊື່ ວ່າ ຫຼວງປູ່ ບຸນເຫຼືອ ສີສຸດລັດ. ທ່ານເກີດເມື່ອ ວັນທີ 3 ເດືອນ 6 ພສ 2476 (ຄສ 1933) ກົງກັບ ມື້ຂຶ້ນ 11 ຄ່ຳ ເດືອນ 7 ລາວ. ເປັນລູກຊາຍຄົນທີ 7 ຂອງພໍ່ຄຳໝັ້ນ ແລະ ແມ່ທອງ.
ພໍ່ແມ່ຂອງ ຫຼວງປູ່ ບຸນເຫຼືອ ໄດ້ມາສ້າງຖິ່ນຖານທຳມາຫາກິນ ທີ່ດິນແດນ ອັນເປັນທີ່ຕັ້ງຂອງ ສວນ ວັດຊຽງຄວນແຫ່ງນີ້. ໂດຍປະກອບອາຊີບກະສິກຳ, ຕ່ຳຫູກທໍໄໝ ແລະ ຫາປາ ຕາມລຳນ້ຳຂອງ.
ທ້າວ ບຸນເຫຼືອ ຕອນເກີດນັ້ນ ແມ່ຕັ້ງຄັນໄດ້ພຽງ 7 ເດືອນ ກໍ່ອອກມາແລ້ວ, ຊິເວົ້າວ່າ ອອກໄວກ່ອນກຳນົດກໍ່ວ່າໄດ້ ເພາະປົກກະຕິ ຄວນຈະຕັ້ງຄັນ 9 ເດືອນ. ເບື້ອງຕົນ ພໍ່ແມ່ຕັ້ງຊື່ໃຫ້ວ່າ ທ້າວສາຍສະໝອນ. ຍ້ອນເກີດກ່ອນກຳນົດ ຈິ່ງເຮັດໃຫ້ສຸຂະພາບ ບໍ່ຄ່ອຍແຂງແຮງ. ລ້ຽງຍາກ. ຕໍ່ມາ ຜູ່ເປັນເອື້ອຍ ນາງຄຳປິວ ແລະ ຜົວ ຄູຈານ ຫຼິງ ໄດ້ເອົາໄປລ້ຽງເປັນລູກບຸນທຳ ແລະ ໄດ້ປ່ຽນຊື່ ມາເປັນ ທ້າວ ບຸນເຫຼືອ ເພາະເຊື່ອວ່າ ການປ່ຽນຊື່ ຈະຊ່ວຍໃຫ້ການລ້ຽງດູ ທ້າວ ສາຍສະໝອນ ໄດ້ດີຂຶ້ນ ແລະ ມັນກໍ່ເປັນຄວາມຈິງ ນັບແຕ່ປ່ຽນຊື່ ມາເປັນ ບຸນເຫຼືອ ກໍ່ລ້ຽງງ່າຍ ແລະ ໃຫຍ່ກ້າໜ້າບານ.
ພໍຮອດອາຍຸໄດ້ 6 ປີ, ແມ່ລ້ຽງ ນາງຄຳປິວ ໄດ້ເຖິງແກ່ກຳ, ຫຼັງຈາກນັ້ນ ພໍ່ລ້ຽງ ກໍ່ໄດ້ສ້າງຄອບຄົວໃໝ່ ຈິ່ງໄດ້ມອບ ທ້າວ ບຸນເຫຼືອ ຄືນໄປໃຫ້ ພໍ່ແມ່ ຜູ່ບັງເກີດເກົ້າ ລ້ຽງຕໍ່.
ເມື່ອຄາວຍັງນ້ອຍ, ທ້າວບຸນເຫຼືອ ເປັນຄົນທີ່ມີຈິດໃຈດີງາມ, ຊື່ສັດ, ເວົ້າຈາສຸພາບອ່ອນໂຍນ, ມັກປູກດອກໄມ້, ມັກວັດະທະນຳທຳ, ການຈັກສານ ແລະ ທັກທໍແຜ່ນແຜ ຈົນສາມາດຕຳຫູກ ແລະ ອື່ນໆ.
ສິນລະປະການປັ້ນ ພຣະພຸດທະຮູບ ແມ່ນມີຄວາມຫຼາກຫຼາຍ, ຍິ່ງໃຫຍ່ ແລະ ງົດງາມ. ອັນພົ້ນເດັ້ນກໍ່ແມ່ນ ພຣະນອນສະແຄງ ອົງໃຫຍ່, ແລະ ຮູບຍັກອົງໃຫຍ່ ແລະ ຮູບປັ້ນອື່ນໆ ທີ່ຫຼາຍຮ້ອຍອົງ. ເຊື່ງເຕັມເປັນດ້ວຍຄວາມໝາຍເລື່ອງລາວ ຂອງພຸດທະປະຫວັດ ແລະ ການສອນຊີວິດ ແກ່ມະນຸດ ໃຫ້ຮູ້ ແລະ ເຂົ້າໃນແກ່ນແທ້ ຂອງການດຳລົງຊີວິດ.
ສຳລັບທ່ານໃດທີ່ຕ້ອງການ ຊົມຮູບປັ້ນເໝືອນ ຂອງ ຫຼວງປູ ບຸນເຫຼືອ ສີສຸລັດ ສາມາດໄປເບິ່ງໄດ້ທີ່ຕັ້ງຢູ່ດ້ານຫຼັງໃກ້ຝັ່ງແຄມຂອງ.
ສຳລັບທ່ານໃດ ຢາກຊື່ນຊົມກັບ ສີລະປະ ທີ່ ສວນ ວັດຊຽງຄວນ ກໍ່ຢ່າງລື່ມ ໄປທ່ຽວຊົມ, ປີ້ເຂົ້າຊົມ ພຽງ 5000 ກີບ ເທົ່ານັ້ນ. ໃນສວນຍັງມີ ຮ້ານອາຫານ ແລະ ສະຖານທີ່ພັກຜ່ອນ, ມີບ່ອນຫຼິ້ນເດັກນ້ອຍ ທີ່ທ່ານຈະໄດ້ ໃຊ້ເວລາກັບຄອບຄົວ ແລະ ເພື່ອນມິດສະຫາຍ. ເປັນການໄປຮຽນຮູ້ ແລະ ສຶກສາ ສີລະປະ ສຳຄັນຂອງ ບັນພະບູລຸດລາວ.
ຮຽບຮຽງໂດຍ: ປະກາດ Pakaad
 |
| Add caption |
ປະກາດ ຮ່ວມສ້າງຄວາມສຸກສູ່ສັງຄົມລາວ
