ແຈ້ງຂ່າວມໍຣະນະພາບ ສາທຸພໍ່ ບຸນສີ ສັນຕິທັມໂມ

ຄະນະສົງວັດ ໂພໄຊທາຣາມ ແລະວັດ ຜານົມ ແລະ ແນວໂຮມບ້ານ ການຈັດຕັ້ງບ້ານທຸກພາກສ່ວນ ພ້ອມພໍ່ແມ່ ປະຊາຊົນ ຂໍແຈ້ງຂ່າວມາຍັງຍາດຕິພີ່ນ້ອງພຸທທະສາສະນິກະຊົນທັງຫລາຍ ທັງພາຍໃນ ແລະ ຕ່າງປະເທດ ຊາບທົ່ວເຖີງກັນວ່າ ສາທຸພໍ່ ບຸນສີ ສັນຕິທັມໂມ ລວມອາຍຸ 67ປີ ອາດີດເຈົ້າອາທິການວັດໂພໄຊທາຣາມ ບ້ານໂພລາດ ເມືອງຈອມເພັດ ແຂວງຫຼວງພຣະບາງ ໄດ້ມໍລະນະພາບລົງຢ່າງສະຫງົບ ແລ້ວ ໃນຕອນຄຳ່ຂອງວັນເສົາ ທີ 25 ມີນາ 2017 ເວລາ 24:00ນາທີ ສ່ວນສະຣີລະສັງຂານ ໄດ້ບັນຈຸໄວ້ທີ່ວັດຜານົມ ເມືອງແລະແຂວງຫຼວງພຣະບາງ ມີການຈັດຕັ້ງບຳເພັນກຸສົນທຸກໆມື້

 ພາກແລງ 
ເວລາ 17: 00 - 18:30 ນາທີ ຟັງສູດມາຕິກາ ແລະ ຟັງທັມເທສະໜາ
ເວລາ 18:30-20: 00 ນາທີ ໄຫວ້ພຣະສູດມົນປະຕິບັດທັມ
ວັນຊາປະນະກິຈສົບຈະໄດ້ຈັດຂື້ນໃນວັນທີ 28 ມີນາ 2017ເວລາ 13:00 ນາທີ ທີ່ສຸສານປ່າຫຍ້າທຶບ ເມືອງແລະແຂວງຫຼວງພຣະບາງ

 ວັນພຸດ ທີ29 ເປັນມື້ເກັບອັດຖິ ແລະ ມື້ຕັກບາດຖວາຍສັງຄະທານເປັນອັນສຳເລັດພິທີ
ດັ່ງນັ້ນຈຶ່ງຂໍອະຣາດທະນານິມົນພຣະເຖຣານຸເຖຣະ ສິດສານຸສິດ ແລະ ຈະເລີນພອນທ່ານພຸດທະບໍລິສັດທັ້ງຫຼາຍຮ່ວມບຳເພັນບຸນ ເພື່ອອຸທິດ ບູຊາຄຸນຂອງຍາພໍ່ ດອມຝູງຂ້າພະເຈົ້າທັ້ງຫຼາຍດ້ວຍເທີ້ນ

________

ປະກາດ ຮ່ວມສ້າງຄວາມສຸກສູ່ສັງຄົມລາວ