ແຈ້ງຂ່າວມໍລະນະກຳ
ສະຖາບັນວິທະຍາສາດແຫ່ງຊາດ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ສະມາຄົມສີລະປິນລາວ, ຄອບຄົວ ນາງໝ້າຍ ອຳໄພຈິດ ສີໂຄດຈຸນລະມະນີ, ຄອບຄົວ ພົຈ ຄຳແວວ ຈຸນລະມະລີ, ຄອບຄົວ ສົມຮັກ ວໍລະສານ ພ້ອມດ້ວຍຍາດພີ່ນ້ອງ ແລະ ລູກຫຼານ, ຂໍແຈ້ງຂ່າວຄວາມເສົ້າສະຫຼົດໃຈ ມາຍັງການຈັດຕັ້ງທຸກພາກສ່ວນ, ຍາດພີ່ນ້ອງ ແລະ ເພື່ອນມິດສະຫາຍ ທີ່ຢູ່ໃກ້ ແລະ ໄກ ຊາບທົ່ວເຖິງກັນວ່າ: ທ່ານ ໄຊຍະສິນ ສີໂຄດຈຸນນະມາລີ ໄດ້ເຖິງແກ່ ມໍລະນະກຳແລ້ວ ໃນເວລາ 07:00 ວັນທີ 20 ພຶດສະພາ 2015, ລວມອາຍຸໄດ້ 65 ປີ. ສົບຂອງເພິ່ນ ແມ່ນໄດ້ບຳເພັນກຸສົນໄວ້ຢູ່ເຮືອນຂອງຜູ້ກ່ຽວ ທີ່ບ້ານດົງປາລານທ່າ, ໜ່ວຍ 12, ຮ່ອມ 9, ເມືອງສີສັດຕະນາກ, ນະຄອນຫຼວງວຽງຈັນ.
ວັນຊາປະນະກິດ ຈະໄດ້ຈັດຂຶ້ນ ໃນວັນເສົາ ທີ່ 23 ພຶດສະພາ 2015 ເວລາ 13:00 ທີ່ວັດເທບນິມິດ (ວັດທາດຝຸ່ນ)
ວັນຈັນ ທີ່ 25 ພຶດສະພາ 2015 - ຈະເປັນມື້ຫ້າງ ກະກຽມເຄື່ອງສັງຂະທານ, ຕອນຄ່ຳມີການຄົບງັນຕາມປະເພນີ
ວັນອັງຄານ ທີ 26 ພຶດສະພາ 2015 ຕອນເຊົ້າ ເວລາ 07:00 ມີພິທີຕັກບາດ ຖວາຍ ສັງຂະທານ ພະ 9 ອົງ ທີ່ເຮືອນຂອງຜູ້ກ່ຽວ.
ຈິ່ງແຈ້ງໃຫ້ຍາດມິດສະຫາຍ ທັງໃກ້ແລະ ໄກ ຮັບຊາບ ແລະ ຮ່ວມທຳບຸນໃນຄັ້ງນີ້.
