ຫມົກດອກແຄ ເປັນອາຫານພື້ນເມືອງລາວເຮົາ ເປັນອາຫານທີ່ດີຕໍ່ສຸຂະພາບນຳອີກ ດັ່ງນັ້ນມື້ນີ້ແອດມິນ ເລີຍຫາສູດເຮັດຫມົກດອກແຄມາຝາກໃຫ້ແຟນເພຈ ໄດ້ຮູ້ວິທີແລະນຳໄປເຮັດເບິ່ງ ຫລື ສາມາດເຮັດຂາຍ ກໍ່ສາມາດສ້າງລາຍໄດ້ນຳອີກ ເປັນຄວາມຮູ້ຮອບຕົວໃຫ້ທຸກຄົນ
ສ່ວນປະກອບ
- ຊີ້ນໜູ: ຊີ້ນງ່ອນ 0,5 ກິໂລກລາມ
- ຫົວບົວແດງ: 8 ຫົວ
- ໜາກເພັດກົ້ນຊີ້5 ໜ່ວຍ
- ນາງຕູ່ 1 ຂີດ
- ຜັກບົວໃບ 1 ຂີດ
- ດອກແຄ 20 ດອກ
- ໃບຕອງ 5 ກ້າມ
- ນ້ຳປາ 2 ບ່ວງແກງ
- ເກືອ 1 ບ່ວງ
- ເຂົ້າເບືອ 1 ຂີດ
- ນ້ຳດື່ມ 1 ຈອກ
- ໄມ້ຂະນັດ
v ຜັກກັບ:
- ໜາກເຂືອອ່ອນ,ຜັກກາດຊ້ອມ ແລະໜາກຖົ່ວເບີນຳມາຕົ້ມໃຫ້ສຸກ
ວິທີກະກຽມປຸງແຕ່ງ
- ຊີ້ນໜູລ້າງນ້ຳໃຫ້ສະອາດແລ້ວຜັກໃຫ້ມຸ່ນ
- ດອກແຄລ້າງນ້ຳໃຫ້ສະອາດແລ້ວເອົາເກສອນອອກໃຫ້ໜົດ
- ໃບຕອງຕາດແດດໃຫ້ອອ່ນນຳມາແຈເປັນແຜ່ນກ້ວາງປະມານ 25 cm ແລ້ວເຊັດໃຫ້ສະອາດ
- ເຂົ້າສານມາມ່ານໃຫ້ໄນ ແລ້ວຕຳໃຫ້ມຸ່ນ
- ຫົວບົວແຫ້ງປອກເປືອກແລະໜາກເພັດເດັດຂ້ວນອອກແລ້ວຕຳໃຫ້ແຫຼກ
- ໜາກເພັດເດັດຂ້ວນອອກແລ້ວລ້າງນ້ຳໃຫ້ສະອາດ
- ຜັກບົວໃບ, ນາງຕູ່ ແລະຜັກຊີລ້າງນ້ຳໃຫ້ສະອາດ ແລ້ວຊ້ອຍເປັນຕ້ອນປະມານ 1 ຂໍ້ມື
ວິທີປຸງແຕ່ງ
ເອົາເຂົ້າເບື່ອທີ່ຕຳມຸ່ນແລ້ວ ແລະຫົວບົວແຫ້ງ, ໜາກເພັດທີ່ຕໍາແຫຼກ, ເກືອມາຕຳໃຫ້ເຂົ້າກັນ ນຳເອົາຊີ້ນ, ຜັກບົວໃບ, ຜັກນາງຕູ່, ນ້ຳປາມາໃສ່ຄົກແລ້ວຄົ້ນໃຫ້ເຂົ້າກັນນຳເອົາເຄື່ອງທີ່ຄົ້ນເຂົ້າກັນລະອຽດແລ້ວມາຍັດໃສ່ດອກແຄເທື່ອລະດອກພໍປະມານແລ້ວມານຳເອົາໃບຕອງທີ່ກຽມໄວ້ນັ້ນມາຫໍ່ດອກແຄປະມານຫໍ່ລະ3ດອກແລ້ວກໍ່ເອົາໄມ້ຂະນັດໆໄວ້ຫຼັງຈາກນັ້ນກໍ່ເອົາໄປໜຶ້ງໃຫ້ສຸກ ແລ້ວນຳມາໃສ່ຈານເສີບຄູ່ກັບເຂົ້າໜຽວ ແລະຜັກກັບ.
v ພິທິກຳທີ່ນຳໃຊ້
- ຮັບປະທານພາຍໃນຄອບຄົວ
- ຮັບປະທານໃນພິທີງານບຸນປະເພນີຕ່າງໆ
- ຕ້ອນຮັບແຂກບ້ານແຂກເມືອງ
