ແຂວງຈຳປາສັກ ເລັ່ງຊ່ວຍເຫຼືອຄອບຄົວທີ່ສູນ ເສຍເຮືອນຊານ ໃຫ້ສຳເລັດ ພາຍໃນເດືອນນີ້

ຄະນະປ້ອງກັນ ແລະ ຄວບຄຸມ ໄພພິບັດຂັ້ນແຂວງ ພ້ອມດ້ວຍ ຫຼາຍພາກສວ່ນທີ່ກ່ຽວຂ້ອງກຳລັງເລັ່ງຊ່ວຍເຫຼືອ 19 ຄອບຄົວທີ່ ເຮືອນຂອງເຂົາເຈົ້າຖືກນ້ຳ ຖ້ວມຊູໄຫຼໄປຕາມກະແສນ້ຳ.
ພາຍຫຼັງນໍ້າໄດ້ບົກແຫ້ງລົງຄະນະປ້ອງກັນ ແລະ ຄວບຄຸມໄພພິບັດ ແຂວງ ຈຳປະສັກໄດ້ມີ ການສຳ ຫຼວດກວດກາຄືນໃໝ່ ເຊິ່ງຜົນເສຍຫາຍຈາກໄພພິບັດນໍ້າຖ້ວມໃນຄັ້ງນີ້ໄດ້ສ້າງຜົນກະທົບ ແລະ ເສຍຫາຍຢ່າງໜັກໜ່ວງ ຕໍ່ຊີວິດ, ຊັບສິນຂອງລັດ, ລວມໝູ່ ແລະ ຂອງພໍ່ແມ່ປະຊາຊົນ ແຂວງຈຳປະສັກ, ໂດຍສະ ເພາະເຮືອນ 19 ຫຼັງຢູ່ ບ້ານ ແຊລະບຳ ເມືອງຊະນະສົມບູນ.

ທ່ານ ບົວລິນ ວົງພະຈັນ ຮອງ ເຈົ້າແຂວງຈຳປາສັກ ທັງເປັນປະ ທານຄະນະປ້ອງກັນ ແລະ ຄວບຄຸມໄພພິບັດຂັ້ນແຂວງ ໄດ້ໃຫ້ສຳພາດ ໃນວັນທີ 23/09/2019 ວ່າ: ຜົນເສຍຫາຍ ຈາກໄພພິບັດນໍ້າຖ້ວມ ນັບແຕ່ຕົ້ນເດືອນກັນຍາ ຈົນເຖິງປະຈຸບັນພໍສະຫຼຸບໄດ້ດັ່ງ ນີ້: ເນື້ອທີ່ຖືກຖ້ວມທັງໝົດ 42,443 ເຮັກຕາ, ບ້ານໄດ້ຮັບ ຜົນກະທົບທັງໝົດ 483 ບ້ານ, ມີ 46,541 ຄອບຄົວ ແລະ ພົນລະເມືອງ 261,906 ຄົນ, ມີເຮືອນ ສູນຫາຍ 19 ຫຼັງ, ເຮືອນເປ່ເພ 274 ຫຼັງ ໃນນີ້ ແປງໄດ້ 196 ຫຼັງ ແລະ ແປງບໍ່ໄດ້ 78 ຫຼັງ, ເນື້ອທີ່ ທຳການຜະລິດ ເປັນຕົ້ນແມ່ນນາ ແລະ ສວນ ຖືກຖ້ວມ 42,443 ເຮັກຕາ, ເສຍຫາຍ 23,795 ເຮັກຕາ, ສັດລ້ຽງສູນຫາຍມີງົວ 27,293 ໂຕ, ຄວາຍ 13,953 ໂຕ, ໝູ 3,046 ໂຕ, ແບ້ 3,905 ໂຕ, ສັດປີກ 139,492 ໂຕ, ໜອງປາ 1,038 ໜອງ, ມີປາເສຍຫາຍ 16,57 ໂຕນ ແລະ ປາກະຊັງ 101 ກະຊັງ, ມີປາ ເສຍຫາຍ 116 ກວ່າໂຕນ ຊຶ່ງປະເມີນຄວາມ ເສຍຫາຍໃນ ເບື້ອງຕົ້ນຫຼາຍພັນລ້ານກີບ. ສ່ວນພື້ນຖານໂຄງລ່າງຕ່າງໆ ແລະ ສາທາລະນະສຸກກໍຖືກເສຍ ຫາຍຢ່າງຫຼວງຫຼາຍ ມີມູນຄ່າເສຍ ຫາຍຫຼາຍພັນລ້ານກີບ.

ສຳລັບການຊ່ວຍເຫຼືອແມ່ນໄດ້ຮັບຈາກພາຍໃນ ແລະ ຕ່າງປະເທດ ເປັນວັດຖຸ ແລະ ເງິນສົດ ທັງໝົດ ມູນຄ່າ 5,167,072,000 ກີບ ໃນນີ້ເປັນເງິນສົດ 3,274,535,000 ກີບ ແລະ ວັດຖຸ 2,042,438,000 ກີບ.
ສຳລັບແຜນການຟື້ນຟູ ທ່ານ ຮອງເຈົ້າແຂວງ ໄດ້ໃຫ້ຮູ້ວ່າ: ພວກເຮົາໄດ້ຊື້ເຂົ້າກິນ ແລະ ແຈກຈາຍໃຫ້ປະຊາຊົນແລ້ວໃນ 1 ນະຄອນ ແລະ 9 ເມືອງ ລວມມີ 66 ໂຕນ ແລະ ໄດ້ກະ ກຽມຊ່ວຍເຫຼືອຄອບຄົວເຮືອນ ຊານ ທີ່ສູນຫາຍ ແລະ ແປງບໍ່ໄດ້ ລວມຈຳນວນ 147 ຫຼັງ ຊຶ່ງຈະ ຊ່ວຍຫຼັງລະ 5 ລ້ານກີບ, ສັງກະສີ 60 ແຜ່ນ ແລະ ຕະປູ 20 ກິໂລ, ສ່ວນເຮືອນທີ່ເປ່ເພສ້ອມແປງໄດ້ 196 ຫຼັງ ຊ່ວຍຫຼັງລະ 3 ລ້ານ ກີບ. 

ນອກນັ້ນ ແຜນຟື້ນຟູ ຍັງໄດ້ ສະເໜີຂໍເຂົ້າກິນ (ເຂົ້າສານ) ເພື່ອແຈກຢາຍບັນເທົາທຸກໃຫ້ຜູ້ ປະສົບໄພ ໄລຍະຕົ້ນ 1 ເດືອນ 12 ກິໂລ ຕໍ່ຄົນ, ຄິດໄລ່ຄູນໃຫ້ 216,454 ຄົນ ເທົ່າກັບ 2,597,448 ກິໂລ ແລະ ສະເໜີຂໍ ຈັດສັນງົບປະມານດ່ວນ ເພື່ອມາ ກໍ່ສ້າງ ແລະ ແກ້ໄຂສ້ອມແປງສຸກ ເສີນບັນດາເສັ້ນທາງ ແລະ ຂົວ ທີ່ຖືກຕັດຂາດ ມູນຄ່າທັງໝົດ 25,84 ຕື້ກີບ.

ທີ່ມາ: ຫນັງສືພິມວຽງຈັນທາມ