ວັນທີ 14-15 ກັນຍາ 2019ນີ້ ອະນຸກຳມະການຄວມຄຸ້ມພະຍາດລະບາດອະຫິວາໝູອາຟິຣກກາ ຂັ້ນເມືອງໄດ້ລົງກວດ ແລະ ທຳລາຍໝູທີ່ຕິດເຊື້ອພະຍາດ ຢູ່ຟາມລ້ຽງໝູ ບ້ານ ບໍ່ ເມືອງໄຊ ແຂວງອຸດົມໄຊ.
ນຳໂດຍທ່ານ ສີວິໄສ ບຸນສະຫວັດ ຫົວໜ້າຫ້ອງການກະສິກຳ ແລະ ປ່າໄມ້ເມືອງໄຊ, ມີບັນດາອະນຸກຳມະການຄວບຄຸ້ມພະຍາດລະບາດອະຫິວາໝູ ຂັ້ນເມືອງ ແລະ ອ້າຍນ້ອງທະຫານ ກອງບັນຊາການທະຫານເມືອງໄຊ ໄດ້ພ້ອມກັນທຳລາຍ ແລະ ຄົ້ນໝູທີ່ຕາຍ ແລະ ທີ່ຕິດເຊື້ອທຳລາຍ ເອົາໄປຝັງຖິ້ມຢູ່ຈຸດທີ່ເໝາະສົມເພື່ອບໍ່ໃຫ້ແຜ່ຫຼາມໄປສູ່ຈຸດອື່ນ.
(ຂໍໃຫ້ບັນດາພໍ່ແມ່ປະຊາຊົນ, ພໍ່ຄ້າຊາວຂາຍ, ພະນັກງານ, ທະຫານ ຕຳຫຼວດ ຈົ່ງພ້ອມກັນສະກັດກັ້ນ ແລະ ຫ້າມຂ້າ ແລະ ຈຳໜ່າຍຊີ້ນໝູຢ່າງເດັດຂາດ ຖ້າພົບເຫັນໜ່ວຍງານໃດ ຫຼືພາກສ່ວນໃດໜຶ່ງຂາຍ ແລະ ຈຳໜ່າຍ ແມ່ນຈະໄດ້ປັບໃໝ ແລະ ສຶກສາອົບຮົມ ພ້ອມທັງລົງໂທດ ຕາມລະບຽບກົດໝາຍ).
