ຫຼວງພະບາງ: ລາຍງານຈາກ ທີມງານ Free the Bear Fund ໃຫ້ຮູ້ວ່າ ໃນວັນທີ 14 ມັງກອນ 2018 ຜ່ານມາ ທາງທີມງານໄດ້ເຂົ້າຊ່ວຍເຫຼືອ ໝີແພນດາແດງ ຈໍານວນ 6 ໂຕ ທີ່ເຈົ້າໜ້າທີ່ ກວດພົບ ແລະ ຍຶດໄດ້ຈາກ ຂະບວນຄ້າຂາຍສັດປ່າ ແລະ ສັດຫວງຫ້າມ ທີ່ເຄື່ອນຍ້າຍມາຈາກຈີນ.
ນີ້ເປັນຄັ້ງທຳອິດ ຂອງການຊ່ວຍເຫຼືອ ສັດໃກ້ສູນພັນຊະນິດນີ້ ຢູ່ ສູນ Free the Bear ທີ່ຫຼວງພະບາງ. ເນື່ອງຈາກ ສະພາບຂອງໝີ ທັງ 6 ແມ່ນອ່ອນແອ, 3 ໂຕແມ່ນໄດ້ຕາຍໃນເວລາຕໍ່ມາ. ສ່ວນອີກ 3 ໂຕທີຍັງເຫຼືອ ແມ່ນຕ້ອງໄດ້ຢູ່ໃນການເບິ່ງແຍງເປັນພິເສດ ເພາະອາການ ຍັງບໍ່ແຂງແຮງ ເທົ່າທີ່ຄວນ.
ການປົກປ້ອງສັດປ່າ ທີ່ໃກ້ສູນພັນ ແມ່ນໜ້າທີ່ຂອງທຸກຄົນ, ໂດຍສະເພາະໝີ ທຸກຊະນິດ ທີ່ເປັນທີ່ຕ້ອງການຂອງຕະຫຼາດ ທີ່ເຊື່ອໃນເລື່ອງ ການນຳເອົາໄປເຮັດຢາພື້ນເມືອງ ເຊິ່ງມັນບໍ່ເປັນຄວາມຈິງ. ຊິນສ່ວນຂອງໝີ ບໍ່ແມ່ນຢາ ຈິງຮຽກຮ້ອງໃຫ້ທຸກຄົນ ຊ່ວຍກັນປົກປ້ອງໝີ.
ສຳລັບທ່ານໃດ ຕ້ອງການຊ່ວຍເຫຼືອ ວຽກງານການປົກປ້ອງໝີ ກັບທີມງານ Free the bear ສາມາດຮ່ວມບໍລິຈາກ ໂດຍພົວພັນໄປຫາທາງທີມງານ ຕາມເພຈ ຂ້າງລຸ່ມ.
ຄລິບການຊ່ວຍເຫຼືອ
ປະກາດ ຮ່ວມສ້າງຄວາມສຸກສູ່ສັງຄົມລາວ