ບຸນອອກພັນສາປະວໍລະນາ ພສ 2562 ຢູ່ຫຼາຍແຂວງໄດ້ຈັດ ຂຶ້ນຢ່າງຄຶກຄື້ນໂດຍມີກິດຈະກໍາຕ່າງໆ ເຊັ່ນແຂ່ງຂັນຊ່ວງເຮືອ, ວາງສະແດງຜະລິດຕະພັນຫັດຖະກໍາ ແລະ ກະສີກໍາພື້ນບ້ານ ຕ່າງໆ
ເພື່ອໃຫ້ຜູ້ໄປງານບຸນໄດ້ຊື້ໄປບໍລິໂພກ ແລະ ເປັນທີ່ລະລຶກ.
ຢູ່ແຂວງໄຊຍະບູລີ ມີເຮືອເຂົ້າຮ່ວມແຂ່ງຂັນ 3 ປະເພດຄື: ເຮືອໄວປະເພນີເພດຍິງ ມີ 16 ລໍາ, ເຮືອໄວປະເພນີເພດຊາຍມີ 20 ລໍາ ແລະ ເຮືອສູດມີ 7 ລໍາ, ການແຂ່ງຂັນໄດ້ຈັດຂຶ້ນໃນ ລະຫວ່າງວັນທີ 13-14 ຕຸລານີ້ ທີ່ສາຍນໍ້າຮຸ່ງ.ຜົນການແຂ່ງຂັນເຮືອໄວເພດຍິງຊະນະເລີດອັນດັບທີ I ເຮືອບ້ານນາຕໍໃຫຍ່ ໄດ້ຮັບຂັນເງິນ ນໍ້າໜັກ 1,5kg ພ້ອມເງິນສົດ 12 ລ້ານກີບ.ເຮືອໄວເພດຊາຍຊະນະເລີດອັນດັບທີ I ບ້ານສີເມືອງຄຸນ ໄດ້ຮັບຂັນເງິນ ນໍ້າໜັກ 1,5kg ພ້ອມເງິນສົດ 12 ລ້ານກີບ ແລະ ເຮືອສູດຊະນະເລີດອັນດັບທີ I ເຮືອບໍລິສັດຈັນທະວົງ ໄດ້ຮັບຂັນເງິນ 1,5kg ພ້ອມເງິນສົດ 7 ລ້ານກີບ.
ໃຫ້ກຽດມອບລາງວັນເຮືອຊະນະເລີດ ແລະ ຮອງຊະນະເລີດແຕ່ລະປະເພດໂດຍທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີແຫ່ງ ສປປ ລາວ ແລະ ທ່ານ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າແຂວງໄຊຍະບູລີຕາມລໍາດັບ.
ຢູ່ເມືອງທ່າແຂກ ແຂວງຄໍາມ່ວນການແຂ່ງຂັນເຮືອຊ່ວງ ໄດ້ປິດລົງ ດ້ວຍຄວາມ ຈົບງາມເຕັມໄປດ້ວຍບັນຍາກາດອັນເບີກບານ ມ່ວນ ຊື່ນໃນວັນທີ 13 ຕຸລາ 2019 ພາຍຫຼັງທີ່ໄດ້ເລີ້ມມາແຕ່ວັນທີ 11 - 13 ຕຸລາ. ປີນີ້ມີເຮືອເຂົ້າຮ່ວມແຂ່ງຂັນທັງໝົດ 32 ລຳ, ໃນນີ້ ເຮືອໃຫຍ່ປະເພດ 55 ສີພາຍມີ 5 ລໍາ, ເຮືອປະເພດ 35 ສີພາຍມີ 9 ລໍາ ແລະ ເຮືອປະເພດ 12 ສີພາຍມີ 18 ລໍາ. ພ້ອມນັ້ນຍັງໄດ້ຈັດໃຫ້ມີການຊ່ວງເຮືອມິດຕະພາບຈາກແຂວງນະຄອນພະນົມ 8 ລໍາ. ຜ່ານການແຂ່ງຂັນເຮືອປະເພນີປະເພດເຮືອໃຫຍ່ 55 ສີພາຍອັນດັບທີ 01 ໄດ້ແກ່: ເຮືອເຈົ້າແມ່ດອກຟ້າມາຈາກບ້ານປຸ່ງເໜືອເມືອງຫີນບູນໄດ້ຮັບ ລາງວັນເງິນສົດ 10 ລ້ານກີບພ້ອມຂັນເງິນ 1 ໜ່ວຍ, ປະເພດ ເຮືອກາງ 35 ສີພາຍອັນດັບທີ 1 ໄດ້ແກ່: ເຮືອ 20 ມັງກອນມາ ຈາກກອງບັນຊາການ ປກຊ ແຂວງ ໄດ້ຮັບລາງວັນເງິນສົດ 8 ລ້ານກີບພ້ອມຂັນ 1 ໜ່ວຍ. ສ່ວນປະເພດເຮືອນ້ອຍ 12 ສີພາຍ ອັນດັບທີ 1 ໄດ້ແກ່ເຮືອຫຼວງປູ່ໄຮ່ຄຳຈາກຫ້ອງການປະສິກຳ - ປ່າໄມ້ເມືອງທ່າແຂກ ໄດ້ເງິນສົດ 3 ລ້ານກີບພ້ອມຂັນເງິນ 1 ໜ່ວຍ. ເປັນກຽດມອບລາງວັນ ໂດຍ ທ່ານ ຄຳສີ ອຸດທິວົງ ຮອງເຈົ້າແຂວງໆ ຄຳມ່ວນ, ທ່ານ ແສງທອງ ພະຄຸນທອງ ປະທານແນວລາວສ້າງຊາດແຂວງ.
ຢູ່ແຂວງໄຊຍະບູລີ ມີເຮືອເຂົ້າຮ່ວມແຂ່ງຂັນ 3 ປະເພດຄື: ເຮືອໄວປະເພນີເພດຍິງ ມີ 16 ລໍາ, ເຮືອໄວປະເພນີເພດຊາຍມີ 20 ລໍາ ແລະ ເຮືອສູດມີ 7 ລໍາ, ການແຂ່ງຂັນໄດ້ຈັດຂຶ້ນໃນ ລະຫວ່າງວັນທີ 13-14 ຕຸລານີ້ ທີ່ສາຍນໍ້າຮຸ່ງ.ຜົນການແຂ່ງຂັນເຮືອໄວເພດຍິງຊະນະເລີດອັນດັບທີ I ເຮືອບ້ານນາຕໍໃຫຍ່ ໄດ້ຮັບຂັນເງິນ ນໍ້າໜັກ 1,5kg ພ້ອມເງິນສົດ 12 ລ້ານກີບ.ເຮືອໄວເພດຊາຍຊະນະເລີດອັນດັບທີ I ບ້ານສີເມືອງຄຸນ ໄດ້ຮັບຂັນເງິນ ນໍ້າໜັກ 1,5kg ພ້ອມເງິນສົດ 12 ລ້ານກີບ ແລະ ເຮືອສູດຊະນະເລີດອັນດັບທີ I ເຮືອບໍລິສັດຈັນທະວົງ ໄດ້ຮັບຂັນເງິນ 1,5kg ພ້ອມເງິນສົດ 7 ລ້ານກີບ.
ໃຫ້ກຽດມອບລາງວັນເຮືອຊະນະເລີດ ແລະ ຮອງຊະນະເລີດແຕ່ລະປະເພດໂດຍທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີແຫ່ງ ສປປ ລາວ ແລະ ທ່ານ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າແຂວງໄຊຍະບູລີຕາມລໍາດັບ.
ຢູ່ເມືອງທ່າແຂກ ແຂວງຄໍາມ່ວນການແຂ່ງຂັນເຮືອຊ່ວງ ໄດ້ປິດລົງ ດ້ວຍຄວາມ ຈົບງາມເຕັມໄປດ້ວຍບັນຍາກາດອັນເບີກບານ ມ່ວນ ຊື່ນໃນວັນທີ 13 ຕຸລາ 2019 ພາຍຫຼັງທີ່ໄດ້ເລີ້ມມາແຕ່ວັນທີ 11 - 13 ຕຸລາ. ປີນີ້ມີເຮືອເຂົ້າຮ່ວມແຂ່ງຂັນທັງໝົດ 32 ລຳ, ໃນນີ້ ເຮືອໃຫຍ່ປະເພດ 55 ສີພາຍມີ 5 ລໍາ, ເຮືອປະເພດ 35 ສີພາຍມີ 9 ລໍາ ແລະ ເຮືອປະເພດ 12 ສີພາຍມີ 18 ລໍາ. ພ້ອມນັ້ນຍັງໄດ້ຈັດໃຫ້ມີການຊ່ວງເຮືອມິດຕະພາບຈາກແຂວງນະຄອນພະນົມ 8 ລໍາ. ຜ່ານການແຂ່ງຂັນເຮືອປະເພນີປະເພດເຮືອໃຫຍ່ 55 ສີພາຍອັນດັບທີ 01 ໄດ້ແກ່: ເຮືອເຈົ້າແມ່ດອກຟ້າມາຈາກບ້ານປຸ່ງເໜືອເມືອງຫີນບູນໄດ້ຮັບ ລາງວັນເງິນສົດ 10 ລ້ານກີບພ້ອມຂັນເງິນ 1 ໜ່ວຍ, ປະເພດ ເຮືອກາງ 35 ສີພາຍອັນດັບທີ 1 ໄດ້ແກ່: ເຮືອ 20 ມັງກອນມາ ຈາກກອງບັນຊາການ ປກຊ ແຂວງ ໄດ້ຮັບລາງວັນເງິນສົດ 8 ລ້ານກີບພ້ອມຂັນ 1 ໜ່ວຍ. ສ່ວນປະເພດເຮືອນ້ອຍ 12 ສີພາຍ ອັນດັບທີ 1 ໄດ້ແກ່ເຮືອຫຼວງປູ່ໄຮ່ຄຳຈາກຫ້ອງການປະສິກຳ - ປ່າໄມ້ເມືອງທ່າແຂກ ໄດ້ເງິນສົດ 3 ລ້ານກີບພ້ອມຂັນເງິນ 1 ໜ່ວຍ. ເປັນກຽດມອບລາງວັນ ໂດຍ ທ່ານ ຄຳສີ ອຸດທິວົງ ຮອງເຈົ້າແຂວງໆ ຄຳມ່ວນ, ທ່ານ ແສງທອງ ພະຄຸນທອງ ປະທານແນວລາວສ້າງຊາດແຂວງ.
ນອກຈາກການແຂ່ງຂັນເຮືອຊ່ວງປະເພນີແລ້ວທາງເມືອງທ່າແຂກ ແລະ ເມືອງນະຄອນພະນົມໄດ້ແລກປ່ຽນຮ່ວມກັນເຊີນເຮືອ ຊ່ວງຕາງໜ້າເມືອງຂອງຕົນເຂົ້າຮ່ວມການແຂ່ງຂັນມິດຕະພາບ. ຜົນການແຂ່ງຂັນມິດຕະພາບທ່າແຂກ-ນະຄອນພະນົມ (ຢູ່ຝັ່ງ ທ່າແຂກ): ອັນດັບທີ 01 ໄດ້ແກ່ເຮືອນາງຄຳໄຫຼ ຈາກບ້ານນາ ເມືອງ, ໄດ້ຮັບລາງວັນເງິນສົດ 6 ລ້ານກີບພ້ອມຂັນເງິນ 01 ໜ່ວຍ.
ສ່ວນການແຂ່ງຂັນຊ່ວງເຮືອບຸນອອກພັນສາປະວໍລະນາ ທີ່ ນະຄອນປາກເຊ ແຂວງ ຈໍາປາສັກ ໄດ້ສຳເລັດລົງຢ່າງຈົບງາມ ພາຍຫລັງທີ່ດຳເນີນມາແຕ່ຕອນເຊົ້າຂອງວັນທີ 14 ຕຸລາ 2019 ທີ່ປາກແມ່ນ້ຳເຊໂດນ ທ່າມກາງຄວາມເບີກບານມ່ວນຊື່ນ ແລະ ໄດ້ຮັບສຽງເຊຍຈາກຜູ້ເຂົ້າເບິ່ງເຂົ້າຊົມຢ່າງ ຄັບຄາໜາແໜ້ນ ທັງສອງຟາກຝັ່ງແມ່ນໍ້າເຊໂດນ.
ຜ່ານການແຂ່ງຂັນແຕ່ລະປະເພດມີ ຄື ເຮືອ 24 ສີພາຍ ຊາຍ ມີ 7 ລໍາ ເຊິ່ງໄດ້ຊະນະເລີດອັນດັບທີ 1 ແມ່ນເຮືອກອງພົນທີ 5, ເຮືອ ສູດຊາຍ 33 ສີພາຍ ມີ 8 ລໍາ ເຊິ່ງໄດ້ອັນດັບທີ 1 ເຮືອ ປ້ອງກັນ ຄວາມສະຫງົບແຂວງ, ເຮືອປະເພນີຍິງ 33 ສີພາຍ ມີ 5 ລໍາ ເຊິ່ງ ໄດ້ທີ 1 ເຮືອ ບ້ານດົງເກາະໂລງ, ເຮືອປະເພນີຊາຍ 33 ສີພາຍ ມີ 8 ລຳ ເຊິ່ງໄດ້ອັນດັບທີ 1 ແມ່ນເຮືອ ບ້ານດົງເກາະໂລງ, ເຮືອປະ ເພດ 55 ສີພາຍ ຊາຍມີການເຂົ້າແຂ່ງຂັນ 2 ລໍາ ເຊິ່ງ ໄດ້ທີ 1 ແມ່ນເຮືອ ເມືອງໂພນທອງ.
ພາຍຫຼັງການແຂ່ງຂັນສໍາເລັດລົງກ່ໍໄດ້ມີການມອບຂັນລາງວັນ ແລະ ເງິນສົດໃຫ້ແກ່ຄະນະສີພາຍເຮືອຊ່ວງ ທີ່ໄດ້ ລາງວັນ ຊະນະເລີດ, ຮອງຊະນະເລີດ, ລາງວັນຊົມເຊີຍຕາມ ລຳດັບ ໂດຍການໃຫ້ກຽດມອບຂອງທ່ານ ບົວລິນ ວົງພະຈັນ ຮອງ ເຈົ້າແຂວງ ຈຳປາສັກ ປະທານຄະນະກຳມະການຈັດ ບຸນອອກພັນສາຊ່ວງເຮືອ, ມີຄະນະກຳມະການຈັດງານ ຕະ ຫຼອດຮອດມວນຊົນເຂົ້າຮ່ວມ.
ຂ່າວ: ວຽງຈັນທາມ
ພາບ: ພູນຊັບ
ຂ່າວ: ວຽງຈັນທາມ
ພາບ: ພູນຊັບ
