ນັກໂດດຈ້ອງເພດຍິງຂອງກອງທັບປະຊາຊົນ ລາວໂດດຈ້ອງລົງຜິດເປົ້າ

ນັກໂດດຈ້ອງເພດຍິງຂອງກອງທັບປະຊາຊົນ ລາວໂດດຈ້ອງລົງຜິດເປົ້າ

ມື້ເຊົ້ານີ້ 14/08/2019 ເວລາປະມານ 8 ໂມງນັກໂດດຈ້ອງເພດ ຍິງຂອງກອງ ທັບປະຊາຊົນລາວໂດດຈ້ອງລົງ ຜິດເປົ້າໄປຕົກ ໃສ່ເຮືອນປະຊາຊົນຢູ່ບ້ານວັດໄຕນ້ອຍທົ່ງ ເມືອງສີໂຄດຕະບອງ ນະຄອນຫຼວງວຽງຈັນ.
ຄະນະຮັບຜີດຊອບຝຶກຊ້ອມກອງຮ້ອຍ 306 ໄດ້ລາຍງານຕໍ່ນັກຂ່າວໜັງສືພິມວຽງຈັນທາຍວ່າ ການຝືກແອບໂດດຈ້ອງ ແມ່ນໄດ້ຝຶກຊ້ອມເປັນປະຈຳຢູ່ທີ່ເດີ່ນສະໝາມບິນວັດໄຕ ເພື່ອຮັບໃຊ້ ໜ້າທີ່ວິຊາສະເພາະທາງດ້ານການກູ້ໄພໃນກໍລະນີສຸກເສີນ ແລະ ອຸທົກກະໄພ ທາງທຳມະຊາດຕ່າງໆ.

ແຕ່ການຝຶກຊ້ອມຄັ້ງນີ້ແມ່ນມີການຜິດພາດໂດຍ ນັກໂດດຈ້ອງຍິງໄດ້ລົງຜິດຈາກບໍລິເວນທີ່ກຳນົດ ໄວ້ແລະຕົກໃສ່ເຮືອນປະຊາຊົນເຮັດໃຫ້ນັກໂດດຈ້ອງເຈັບສົມຄວນ ແລະ ເຮືອນປະຊາຊົນເປ່ເພ ເລັກນ້ອຍຈາກກໍລະນີດັ່ງກ່າວ.
ປະຈຸບັນນັກໂດດຈ້ອງໄດ້ຮັບການຊ່ວຍເຫຼືອ ດ່ວນຈາກທີມກູ້ໄພຂອງກອງພັນໃຫ່ຍ 703 ແລະ ປະຊາຊົນເຂດດັ່ງກ່າວເພື່ອນຳສົ່ງໂຮງໝໍ ແລະ ມາຮອດດຽວນີ້ຜູ້ກ່ຽວມີຄວາມປອດໄພແລ້ວ.

ຂ່າວ: ຄຳພັນ