ລາຍງານຈາກ ຂປລ ໃນການຖະແຫຼງການ ຂອງຄະນະສະເພາະກິດ ແກ້ໄຂຄະດີ ພີເອັສ ໃນຕອນເຊົ້າ ວັນທີ 5 ຕຸລາ 2017 ປະຈຸບັນ ມີຜູ້ເສຍຫາຍຈາກ ພີເອສ ໄດ້ເຂົ້າມາແຈ້ງຄວາມຕຳຫຼວດແລ້ວ 5 ພັນກວ່າຄົນ ລວມມູນຄ່າເສຍຫາຍ 196 ຕື້ກີບ .
ຈາກການຖະແຫຼງຂອງ ຄະນະສະເພາະກິດສືບສວນຄະດີບໍລິສັດ ພີເອສ ຈັດຖະແຫຼງຂ່າວມື້ນີ້ ທີ່ກົມໃຫຍ່ຕຳຫຼວດ, ກະຊວງປ້ອງກັນຄວາມສະຫງົບ ແຈ້ງ ມາຮອດປະຈຸບັນ ມີຜູ້ມາແຈ້ງເສຍຫາຍຈາກການຮ່ວມລົງທຶນກັບບໍລິສັດພີເອສ ທັງໝົດ 5.020 ຄົນ ລວມມູນຄ່າເສຍຫາຍ 196 ຕື້ກີບ ຜູ້ເສຍຫາຍສ່ວນໃຫຍ່ແມ່ນຢູ່ໃນນະຄອນຫຼວງວຽງຈັນ ແລະ ແຂວງໃກ້ຄຽງ.
ປະຈຸບັນທາງເຈົ້າໜ້າທີ່ສະເພາະກິດ ເຊິ່ີງປະກອບດ້ວຍຫຼາຍອະນຸກຳມະການພວມທຳການປະເມີນມູນຄ່າຊັບສິນຂອງບໍລິສັດພີເອສທີ່ກ່ຽວຂ້ອງກັບເຫດການໃນຄັ້ງນີ້ເພື່ອກ້າວສູ່ການແກ້ໄຂສິດຜົນປະໂຫຍດຂອງຜູ້ເສຍຫາຍຈາກການລະດົມທຶນແບບຜິດກົດໝາຍຂອງບໍລິສັດພີເອສ. ຂະນະທີ່ຍັງມີຫຼາຍຄົນທີ່ຍັງບໍ່ທັນແຈ້ງເສຍຫາຍກັບເຈົ້າໜ້າທີ່ຢູ່ຕ່າງແຂວງ.
ພ້ອມດຽວກັນນີ້ທາງເຈົ້າໜ້າທີ່ຕຳຫຼວດ ກໍແຈ້ງມາຍັງພໍ່ແມ່ປະຊາຊົນຈົ່ງມີສະຕິ ຢ່າງຫລົງເຊື່ອຜູ້ແອບອ້າງວ່າມີທຸລະກິດທີ່ລາຍໄດ້ດີ ຜົນຕອບແທນສູງ ຖ້າພົບເຫັນບຸກຄົນ ຫຼື ກຸ່ມຄົນທີ່ມີພຶດຕິກຳດັ່ງກ່າວແມ່ນໃຫ້ແຈ້ງເຈົ້າໜ້າທີ່ກ່ຽວຂ້ອງ ເພື່ອຫຼີກລ່ຽງຄວາມເສຍຫາຍທີ່ເຄີຍເກີດຂຶ້ນໃນຜ່ານມາ ກັບຫຼາຍກໍລະນີ ເປັນຕົ້ນ ຄະດີເມດຕາບໍ່ປານີ, ແມັກກີ, ເອຊຽນເຟສ ແລະ ຫຼ້າສຸດ ບໍລິສັດພີເອສ
ຊົມຄລິບການຖະແຫຼງຂ່າວ
________
ປະກາດ ຮ່ວມສ້າງຄວາມສຸກສູ່ສັງຄົມລາວ
