ເນື່ອງໃນໂອກາດຄົບຮອບຄົນພິການແຫ່ງຊາດ ວັນທີ່ 27 ກັນຍາ, ວັນສາກົນຜູ້ອາຍຸສູງ ວັນທີ 1 ຕຸລາ ປະຈຳປີ 2017 ຈະມາຮອດນີ້ ຄະນະກຳມະການແຫ່ງຊາດ ເພື່ອຄົນພິການ ແລະ ຜູ້ອາຍຸສູງ, ກະຊວງ ແຮງງານ ແລະ ສະຫວັດດີການສັງຄົມ ໄດ້ຈັດພິທີການແຂ່ງຂັນກ໊ອບການກຸສົນ ແລະ ທັງເປັນ ການ ສົມທົບທຶນສະໜັບສະໜູນເພື່ອຊ່ວຍເຫຼືອຄົນພິການ ແລະ ອາຍຸສູງ, ໃນວັນທີ 23 ກັນຍາ 2017ນີ້, ທີ່ສະໜາມກ໊ອບຄັນທີຣຄັລບ ຫລັກ 14ນະຄອນຫຼວງວຽງຈັນ, ການແຂ່ງຂັນໄດ້ເລິ່ມຂື້ນ 6:00 ໃນຕອນເຊົ້າ.
ໃຫ້ກຽດເຂົ້າຮ່ວມເປັນປະທານໂດຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ປອ ຄຳແພງ ໄຊສົມແພງ ລັດຖະມົນຕີ ທາງກະຊວງແຮງງານ ແລະ ສະຫວັດດີການສັງຄົມ, ບັນດາການ ນຳຂັ້ນສູງ, ຕາງໜ້າບັນດາກະຊວງຕ່າງໆ, ຜູ້ຕ່າງໜ້າອົງການຈັດຕັ້ງສາກົນ, ລັດວິສາຫະກິດພາຍໃນ ແລະຕ່າງປະເທດ ແລະ ພາກສ່ວນນັກແຂ່ງຂັນກິລາກ໊ອບໄດ້ເຂົ້າຮ່ວມ.
ການແຂ່ງຂັນໃນຄັ້ງນີ້ໄດ້ຈັດຂື້ນເປັນຄັ້ງທີ 2 ສືບທອດຈາກປີທີ່ຜ່ານມາ ສະພາບລວມ ຂອງການ ແຂ່ງຂັນໃນຄັ້ງນີ້ ໂດຍນັກແຂ່ງຂັນໃຫ້ຄວາມສົນໃຈຫຼາຍເປັນພິເສດ ນອກຈາກຈະໄດ້ລົງ ແຂ່ງຂັນແລ້ວ ທຸກຄົນຍັງໄດ້ຮ່ວມບໍລິຈາກສົມທົບທຶນໃຫ້ແກ່ອົງກອນຄົນພິການ ແລະ ຜູ້ອາຍຸສູງ ຖືວ່າເປັນໂອກາດ ດີແລະ ເຕັມໄປດ້ວຍຄວາມມ່ວນຊື່ນ,
ພາຍໃນງານການແຂ່ງຂັນຄັ້ງນີ້ມີຄົນເຂົ້າຮ່ວມຫຼາຍກວ່າ 200 ຄົນ ຫຼາຍກວ່າ 20 ກວ້ນ. ຫຼັງຈາກຈົບ ການແຂ່ງຂັນ ທ່ານ ອປ ຄຳແພງ ໄຊສົມແພງ ລັດຖະມົນຕີ ທາງກະຊວງແຮງງານ ແລະ ສະຫວັດດີ ການສັງຄົມ ໄດ້ກ່າວກ່ຽວກັບຈຸດປະສົງຂອງງານໃນຄັ້ງນີ້ ແມ່ນ ເປັນການສົມທົບທຶນ ສະໜັບສະໜູນ ເພື່ອຊ່ວຍເຫຼືອຄົນພິການ ແລະ ອາຍຸສູງ, ເພື່ອເປັນຂວັນກຳລັງໃຈ ແລະ ຊ່ວຍເຫຼືອສະໜັບສະໜູນ ໃນທຸກດ້ານບໍ່ວ່າຈະເປັນສຸຂະພາບທີ່ດີ, ກິລາ, ການພັດທະນາຝີມືແຮງງານ ໃຫ້ມີຄວາມພ້ອມ ໃນການຮັບໃຊ້ສັງຄົມ ເພື່ອໃຫ້ເຂົາເຈົ້າໄດ້ມີຊີວິດການເປັນຢູ່ທີ່ດີຂື້ນ ແລະ ອື່ນໆ.
ນອກນີ້ທ່ານຍັງກ່າວຂອບໃຈນັກແຂ່ງຂັນທີ່ເຂົ້າຮ່ວມທຸກພາກສ່ວນ ແລະ ຜູ້ບໍລິຈາກສົມທົບທຶນ ລວມໄປເຖິງບັນດາແຂກທີ່ຮ່ວມງານພ້ອມສື່ມວນຊົນທີ່ໃຫ້ການສະໜັບສະໜູນ ໃຫ້ງານຄັ້ງນີ້ສຳເລັດໄປດ້ວຍດີ.
( ພາບ-ຂ່າວໂດຍ: ເພັດສະໄໝ )
________
ປະກາດ ຮ່ວມສ້າງຄວາມສຸກສູ່ສັງຄົມລາວ
