ສາລະໜ້າຮູ້ມື້ນີ້ ຈະນຳເອົາເລື່ອງລາວກ່ຽວກັບຍົນໂດຍສານມາເລົ່າສູ່ຟັງ. ຫຼາຍຄົນຄົງຄິດວ່າ ການເຕີມນ້ຳມັນຍົນ ກໍ່ຄົງຈະຄື ການເຕີມນ້ຳມັນລົດແມ່ນບໍ່? ທີ່ວ່າ ເປີດຝາຖັງ ແລ້ວ ກໍ່ໃສ່ໃຫ້ມັນເຕັມໄວ້ເລີຍ. ຖ້າເຂົ້າໃຈແບບນີ້ ແມ່ນຜິດເນາະ! ຍົນໂດຍສານ ເພິ່ນຈະມີຫຼັກການເຕີມນ້ຳມັນ ຍົນ ມີ 6 ປະເພດດັ່ງນີ້.
Trip Fuel: ນ້ຳມັນໃຊ້ສຳລັບໄລຍະການບິນ ເລີ່ມແຕ່ແລ່ນບິນຂຶ້ນ ຈົນຍົນລົງຈອດ. ກໍ່ຈະມີການຄິດໄລ່ໄລຍະທາງຕາມຫຼັກການຕ່າງ ໃຫ້ມັນພຽງພໍ ໃນການບິນຂຶ້ນລົງ.
Contingency Fuel: ແມ່ນປະລິມານນ້ຳມັນເພີ່ມ ເພື່ອກໍລະນີສຸກເສີນ ເຊິ່ງຈະໃຫ້ໃສ່ ປະມານ 5% ຫຼື ໃຫ້ບິນໄດ້ອີກ 5 ນາທີ ຕາມກົດໝາຍການບິນ.
Alternate Fuel: ແມ່ນປະລິມານນ້ຳມັນ ທີ່ຈະໃສ່ເພື່ອໄປບິນລົງຈອດ ໃນເດີນບິນທີ່ໃກ້ທີສຸດ ກໍລະນີທີ່ເດີນບິນປາຍທາງ ບໍ່ສາມາດລົງຈອດໄດ້.
Final Reserve Fuel: ນ້ຳມັນສຳຮອງຖັງສຸດທ້າຍ ແມ່ນຈະຖືກບັງຄັບໂດຍກົດໝາຍ ຕ້ອງໄດ້ມີນ້ຳມັນສຳຮອງ ທີ່ຈະສາມາດບິນໄດ້ອີກປະມານ 30 ນາທີ ທີ່ຈະໃຊ້ໃນກໍລະນີສຸກເສີນ. ຖ້າຍົນລຳໃດໃຊ້ນ້ຳມັນຖັງນີ້ ກໍ່ຕ້ອງໄດ້ແຈ້ງເຫດຂໍລົງສຸກເສີນທັນທີ່ ເພາະນ້ຳມັນຊິໝົດແລ້ວ.
Extra Fuel: ນ້ຳມັນຂໍເພີ່ມ ເປັນກໍລະນີພິເສດ ທີ່ກັບຕັນ ອາດຈະຂໍນ້ຳມັນເພີ່ມຕາມຄວາມເໝາະສົມ ຂອງການບິນຖ້ຽວນັ້ນໆ ເພາະອາດມີເຫດການ ຫຼື ບາງຢ່າງທີ່ເຮັດໃຫ້ການບິນຕ້ອງໃຊ້ເວລາດົນ, ເຊັ່ນເກີດບັນຫາຝົນຕົກ ຟ້າລົມ ຕາມເສັ້ນທາງບິນ, ຫຼື ເດີນບິນທີ່ຈະໄປລົງ ມັນຕ້ອງໄດ້ ຕໍ່ຄິວຍາວ ແລະ ອື່ນໆ ກໍ່ຕ້ອງໄດ້ຫາເຫດຜົນເພື່ອຂໍນຳມັນເພີ່ມ.
Taxi Fuel: ນ້ຳມັນທີ່ໃຊ້ຕອນກຽມຈະບິນຂຶ້ນ ທີ່ຕ້ອງໄດ້ອຸ່ນເຄື່ອງຍົນ ແລະ ແລ່ນໄປຣັນເວ. ເພາະບາງເດິນບິນ ຈະໃຫຍ່ ແລະ ຕ້ອງຈອດໄກ ກອນທີ່ຈະຂີ່ໄປຮອດ ຣັນເວ ທີ່ຈະບິນຂຶ້ນ ກໍ່ຕ້ອງໃຊ້ນ້ຳມັນ.
ເຖິງຢ່າງໃດກໍ່ດີ ໃນເລື່ອງຂອງ ຍົນໂດຍສານ ຖ້າວ່າໃສ່ນ້ຳມັນຫຼາຍ ກໍ່ຈະເຮັດໃຫ້ຍົນໜັກ ແລະ ຕ້ອງໃຊ້ພະລັງງານໃນການບິນເພີ່ມ ດັ່ງນັ້ນ, ຕ້ອງໄດ້ມີການຄິດໄລ່ ການໃສ່ປະລິມານນ້ຳມັນໃຫ້ເໝາະສົມ.
ຂອບໃຈຂໍ້ມູນຈາກ ກັບຕັນ ໂຈ, ຢ່າລືມແຊໃຫ້ເພື່ອນຂອງທ່ານໄດ້ຮຽນຮູ້ນຳເດີ
ຮຽບຮຽງໂດຍ: ປະກາດ Pakaad
ຊົມຄລິບເພີ່ມເຕີມຂ້າງລຸ່ມ.
_______
ປະກາດ ຮ່ວມສ້າງຄວາມສຸກສູ່ສັງຄົມລາວ
